Heildarsamt�k atvinnul�fsins

Fundur SA um heilbrigðismál í fyrramálið

Wed, 17 Mar 2010 15:33:10 GMT

Samtök atvinnulífsins efna til fundar um heilbrigðismál og skipulag heilbrigðiskerfisins, fimmtudaginn 18. mars, á Hótel Nordica í samráði við Félag íslenskra hjúkrunarfræðinga, Læknafélag Reykjavíkur, Félag forstöðumanna ríkisstofnana og Stofnun stjórnsýslufræða og stjórnmála við Háskóla Íslands. Yfirskrift fundarins er Hvernig fáum við það besta út úr heilbrigðiskerfinu?

Lækkun stýrivaxta í 9% lítið skref í rétta átt

Wed, 17 Mar 2010 14:53:18 GMT

Seðlabanki Íslands tilkynnti í dag um lækkun stýrivaxta um hálft prósentustig í 9,0%. Fréttastofa RÚV leitaði viðbragða hjá Vilhjálmi Egilssyni, framkvæmdastjóra SA: „Þetta er lítið skref í rétta átt en betur má ef duga skal." Vilhjálmur segir fjármagnskostnað íslenskra fyrirtækja allt of háan. Fjárfestingar þeirra séu í algjöru lágmarki en með því að koma þeim af stað sé hægt að koma Íslandi út úr kreppunni og auka atvinnu í landinu.

Upptaka af stórfundi SA um atvinnumál komin á vefinn

Mon, 15 Mar 2010 14:04:08 GMT

Sjónvarpsupptaka af fundi SA um stöðu atvinnumála og horfurnar framundan er komin á vefinn. Um 300 stjórnendur úr íslensku atvinnulífi, stjórnmálamenn, fulltrúar sveitarfélaga, ríkisstofnana og verkalýðshreyfingar, mættu til fundarins sem fram fór á Hótel Nordica föstudaginn 12. mars. Þar var m.a. rætt um til hvaða aðgerða hægt er að grípa til að koma Íslandi af stað og rjúfa þá kyrrstöðu sem nú einkennir atvinnulífið.

Aðalfundur SVÞ 2010: Spilum saman

Mon, 15 Mar 2010 12:12:01 GMT

Aðalfundur SVÞ - Samtaka verslunar og þjónustu fór fram fimmtudaginn 11. mars undir yfirskriftinni Spilum saman. Fundurinn markaði upphaf Viku verslunar og þjónustu sem nú stendur yfir en markmiðið með henni er að vekja athygli á mikilvægi verslunar og þjónustu, atvinnugreinar þar sem um fjórði hver Íslendingur starfar. Jafnframt að hvetja Íslendinga á jákvæðan og ábyrgan hátt til að „spila með" og taka þátt í að snúa hjólum atvinnulífsins með því að eiga viðskipti við verslunar- og þjónustufyrirtæki. Margrét Kristmannsdóttir var endurkjörinn formaður SVÞ en hún gagnrýndi í ræðu sinni bæði stjórn og stjórnarandstöðu harðlega fyrir framtaksleysi.

Gögn frá fundi SA um atvinnumál

Fri, 12 Mar 2010 14:51:22 GMT

Um 300 stjórnendur úr íslensku atvinnulífi, stjórnmálamenn, fulltrúar sveitarfélaga, ríkisstofnana og verkalýðshreyfingar, mættu til fundar SA í morgun á Hótel Nordica til að ræða stöðu atvinnumála, horfurnar framundan og til hvaða aðgerða sé hægt að grípa til að koma Íslandi af stað og rjúfa þá kyrrstöðu sem nú einkennir atvinnulífið. Vilmundur Jósefsson, formaður SA, setti fundinn og sagði þolinmæði fólks og fyrirtækja á þrotum. Tími væri fyrir ríkisstjórnina að láta nú verkin tala en dráttur hafi orðið á úrlausn margra mála.

Atvinna fyrir alla - aðgerðaáætlun 2010

Thu, 11 Mar 2010 13:57:48 GMT

„Samtök atvinnulífsins hafa sett fram markmið um að þjóðin hafi endurheimt fyrra atvinnustig og lífskjör á árinu 2015. Þetta er hægt með því að setja atvinnusköpun í forgang, sérstaklega með fjárfestingum og vexti í útflutningsgreinum. Núverandi spár gera ráð fyrir 2% árlegum hagvexti en það er of lítið til þess að nógu mörg störf skapist til að það dragi úr atvinnuleysinu. Náist 3,5% hagvöxtur á næstu árum er árangur samt ekki nægur til að eyða atvinnuleysi. Það þarf að setja djarfari hagvaxtarmarkmið og stilla saman strengi til þess að ná þeim. Um 5% árlegan hagvöxt þarf til." Þetta segir Vilhjálmur Egilsson, framkvæmdastjóri SA, í leiðara nýs fréttabréfs samtakanna.

Mikið traust til íslenskra fyrirtækja

Thu, 11 Mar 2010 12:27:58 GMT

Íslendingar eru mjög jákvæðir í garð íslenskra fyrirtækja og traust þeirra til eigin vinnuveitanda skorar einna hæst í árlegum mælingum Capacent Gallup á trausti til stofnana og embætta. Þetta kemur fram í nýrri könnun sem Capacent Gallup gerði fyrir SA. Nærri 88% eru jákvæð gagnvart sínum vinnustað - aðeins rúm 4% neikvæð. Þá bera yfir 81% Íslendinga mikið traust til síns vinnuveitanda en aðeins tæp 7% bera til hans lítið traust.

Taktu mynd af þinni verðmætu sköpun og sendu SA

Thu, 11 Mar 2010 10:42:35 GMT

Á hverjum virkum degi eru sköpuð verðmæti á Íslandi fyrir um sex milljarða króna. Fyrirtæki innan Samtaka atvinnulífsins gegna mikilvægu hlutverki í þeirri sköpun en innan raða SA eru um 2.000 fyrirtæki þar sem starfar um helmingur launamanna á Íslandi. Í tilefni aðalfundar SA 2010 viljum við festa verðmætasköpun atvinnulífsins á mynd og sýna úr hverju stoðir íslensks atvinnulífs eru gerðar.

Vöxtur og velferð forgangsmál í Evrópu

Wed, 10 Mar 2010 19:41:03 GMT

Evrópusamtök atvinnulífsins, BUSINESSEUROPE, hafa nýverið sent frá sér stefnumörkun sem mælir með markvissum aðgerðum til að vinna Evrópu út úr þeirri djúpstæðu kreppu sem herjað hefur á flest ríki í álfunni á undanförnum tveimur árum. Stefnumörkunin er sett fram í hnitmiðaðri skýrslu þar sem greindar eru helstu áskoranir sem evrópskt atvinnulíf stendur frammi fyrir og mælt með skilvirkum lausnum til að snúa aftur á braut hagvaxtar og velferðar. Án kraftmikilla fyrirtækja sem skapa störf og verðmæti molnar fljótt undan velferðarkerfinu.

Aðgangur að erlendu lánsfé verði tryggður

Wed, 10 Mar 2010 11:51:26 GMT

Vilhjálmur Egilsson, framkvæmdastjóri SA, hvetur þá sem koma að Icesave-verkefninu að nálgast það af ábyrgð og með alla hagsmuni í huga. Meta þurfi kostnaðinn sem hljótist á töfum á því að samið sé um Icesave en hann geti verið mikill. Þetta kemur fram í Fréttablaðinu í dag.