Beint á leiðarkerfi vefsins

Menntamál

9.12.2001

Iðan: vefsetur um nám og störf

Iðan er vefsetur sem starfrækt er af Samtökum iðnaðarins og ætlað ungu fólki. Þar er fjallað ítarlega um nám og störf í iðnaði, umhverfismál, nýsköpun o.fl. Lýst er um 120 störfum og námsleiðum og spurningum svarað. Sjá vefsetrið idan.is.

23.11.2001

Starfsmenntaverðlaun

Starfsmenntaverðlaun hlutu í ár Leikskólar Reykjavíkur í flokki fyrirtækja, Menntaskólinn í Kópavogi í flokki fræðsluaðila og Jón Torfi Jónasson, prófessor við Háskóla Íslands, í opnum flokki.

19.11.2001

Starfsafl og Landsmennt - fyrsta starfsárið

Um eitt ár er liðið síðan starfsmenntasjóðir ófaglærðra, Starfsafl og Landsmennt, hófu starfsemi, á grundvelli kjarasamninga SA og viðsemjenda þeirra. Nokkrir tugir verkefna hafa verið styrktir. Vert er að benda forsvarsmönnum fyrirtækja á að kynna sér möguleika sem þessir sjóðir veita. Sjá umfjöllun á heimasíðu SI.

13.11.2001

Ánægðari nemendur í einkareknum framhaldsskólum

Nemendur einkarekinna framhaldsskóla eru ánægðari með skólann en nemendur framhaldsskóla í opinberum rekstri, samkvæmt nýrri sænskri rannsókn. Einkum standa einkareknu skólarnir framar í að mæta ólíkum þörfum nemenda.

5.11.2001

Hlutafélag um rekstur Stýrimanna- og Vélskóla?

LÍÚ og Samtök kaupskipaútgerða hafa lýst áhuga á því við stjórnvöld að stofnað verði hlutafélag um rekstur Stýrimannaskólans í Reykjavík og Vélskóla Íslands, sem tæki að sér rekstur skólanna á svipuðum grunni og Verslunarskóli Íslands er rekinn.

2.11.2001

Aukið fjármagn ekki endilega svarið fyrir skólana

Samkvæmt nýrri úttekt sænsku samtaka atvinnulífsins er aukið fjármagn alls ekki alltaf leiðin til að bæta gæði skólastarfsins. Efla þarf samkeppnishugsun í skólakerfinu að mati skýrsluhöfunda.

28.8.2001

Vika símenntunar 3.-9. september

Vika símenntunar verður haldin dagana 3.-9. september. Þema hennar verður Ísland og umheimurinn - tungumál og tölvukunnátta. Á heimasíðu vikunnar má m.a. sjá hvað í boði er á vegum einstakra símenntunarmiðstöðva um landið.

27.7.2001

Vika símenntunar haldin í annað sinn

Vika símenntunar verður haldin í annað sinn hér á landi dagana 3.-9. september nk. Þema hennar að þessu sinni verður Ísland og umheimurinn - tungumál og tölvukunnátta.

9.7.2001

Skýrsla SA og ASÍ um menntamál

SA og ASÍ hafa skilað skýrslu til starfsmenntaráðs um samstarf aðila vinnumarkaðarins um menntamál. Tilgangur skýrslunnar er að gefa yfirlit um sameiginlegar áherslur og verkefni aðila vinnumarkaðarins í menntamálum og að gera tillögur um aukna samvinnu í þessum málaflokki.

31.5.2001

Styrkir starfsmenntaráðs

Starfsmenntaráð hefur gengið frá styrkveitingum á þessu ári fyrir alls 43 milljónir króna. Hæstu styrkirnir sem veittir voru námu þremur milljónum króna. Aðrir styrkir voru að upphæð frá 300 þúsund krónur að 2,5 milljónum króna. Sjá nánar á heimasíðu Starfsmenntaráðs.

21.5.2001

Aukin menntun, aukin framleiðsla

Samkvæmt skýrslu OECD frá desember 2000 um horfur í efnahagsmálum, eru langtímaáhrif af einu viðbótarári í menntun um 4-7% aukning í framleiðslu á mann. Þetta kom fram í erindi Ara Edwald á félagsfundi Menntar.

13.3.2001

Hver á að kosta vinnustaðakennslu?

Mörg fyrirtæki bera mikinn kostnað af vinnustaðanámi en önnur taka ekki nema, og skekkir þetta samkeppnisstöðuna. Í greinargerð starfshóps Samtaka iðnaðarins, sem unnin er í samvinnu við Samtök ferðaþjónustunnar, er fjallað um hvort jafna þurfi þennan mun og þá hvernig.

6.3.2001

Styrkir til að efla gæði starfsmenntunar

Starfsmenntaráð auglýsir eftir umsóknum um styrki til verkefna sem stuðla að auknum gæðum starfsmenntunar. 20 milljónum verður ráðstafað til slíkra verkefna og umsóknarfrestur er til 29. mars.

28.2.2001

ESB einfaldar viðurkenningu starfsréttinda

Samþykkt hefur verið tilskipun ESB sem kveður á um einföldun á gagnkvæmum viðurkenningum starfsréttinda og prófgráða á innri markaðnum.

9.2.2001

Kynnt stefna starfsmenntasjóðs

Árið 2001 mun starfsmenntasjóður styrkja verkefni sem tengjast notkun internetsins í starfsmenntun, verkefni sem stuðla að auknum gæðum starfsmenntunar og starfsmenntun erlends vinnuafls. Umsóknarfrestur er til 1. mars.
RSS-efnisveita SA

Stjórnborð

Forsíða vefsins Stækka letur Minnka letur Senda þessa síðu Hamur fyrir sjónskerta Prenta þessa síðu Veftré

Fánar

In english