Fréttir
27.11.2003
Desemberuppbót
Starfsmenn skulu eigi síðar en 15. desember fá greidda desemberuppbót, sem er miðað við fullt starf allt árið kr. 37.000 hjá flestum starfsgreinum nema verslunarmönnum, þar sem hún er kr. 42.000. Sjá nánar á vinnumarkaðs-vef SA.
26.11.2003
Viðbrögð SA koma fram í viðræðunum sjálfum
Viðbrögð SA við kröfugerð Starfsgreinasambandsins sem slíkri koma ekki fram fyrr en í samningaviðræðunum sjálfum, segir Ari Edwald, framkvæmdastjóri SA, í samtali við Morgunblaðið. Það sé þó augljóst að hún sé hærri en nemur þeim kostnaðarhækkunum sem atvinnulíf býr við í nágrannalöndum okkar.
25.11.2003
Kaupmáttur jókst um 3,3%
Á tímabilinu frá 3. ársfjórðungi 2002 til 3. ársfjórðungs 2003 hækkuðu regluleg laun að meðaltali um 5,4%. Á sama tíma hækkaði vísitala neysluverðs um 2,0%. Samkvæmt því jókst kaupmáttur launa að meðaltali um 3,3%. Laun kvenna hækkuðu um 6,4% en karla um 4,9%. Sjá nánar í fréttabréfi Kjararannsóknarnefndar.
25.11.2003
Brýnt að samkeppnislög verði endurskoðuð í heild
SA telja brýna nauðsyn á heildarendurskoðun samkeppnis-laga og hafa gert ítarlegar tillögur um breytingar á einstökum ákvæðum laganna. Samtökin mæla hins vegar gegn samþykkt fyrirliggjandi lagafrumvarps um afmarkaðar breytingar á samkeppnislögum.
25.11.2003
Starfsgreinasambandið birtir kröfugerð sína
Starfsgreinasamband Íslands hefur birt kröfugerð sína vegna komandi kjarasamninga. Höfuðáhersla er lögð á að samið verði um nýja launatöflu, sem byggi á sex þrepum, og hækkun lægstu launa hefur forgang. Krafan gerir m.a. ráð fyrir að lægstu taxtar hækki um 30% á fjögurra ára samningstímabili og að almennar launahækkanir verði 19%.
24.11.2003
Fræðslumiðstöð atvinnulífsins opnuð
Opnuð hefur verið Fræðslumiðstöð atvinnulífsins, sem stofnuð var af SA og ASÍ. Fræðslumiðstöðin mun fyrst og fremst sinna þeim hópi, sem ekki hefur lokið framhalds-skóla, innflytjendum og öðrum sambærilegum hópum. Á íslenskum vinnumarkaði er þessi hópur mjög stór eða um 40%.
24.11.2003
ISO 9000 - Lykilatriði, uppbygging og notkun
Staðlaráð Íslands stendur fyrir námskeiði fimmtudaginn 4. desember fyrir þá sem vilja læra á nýja útgáfu ISO 9000 gæðastjórnunarstaðlanna. Sjá nánar á vef Staðlaráðs.
21.11.2003
2,8% atvinnuleysi í október
Í októbermánuði voru skráðir 93.408 atvinnuleysisdagar á landinu öllu sem jafngilda því að 4.059 manns hafi að meðaltali verið á atvinnuleysisskrá, eða 2,8% af áætlun efnahagsskrifstofu fjármálaráðuneytis um mannafla á vinnumarkaði. Meðalfjöldi atvinnulausra var um 15% meiri en í október árið 2002.
21.11.2003
Fjölgun ferðamanna
Ferðaþjónustan virðist vera að ná sér á strik eftir hremm-ingar síðasta árs. Fjöldi erlendra ferðamanna til Íslands, sem fór um Keflavíkurflugvöll, var orðinn 282.000 í lok október en hann var 277.900 allt árið í fyrra. Allt útlit er fyrir að farþegar til landsins verði hátt í 315.000. Sjá nánar í fréttabréfi SAF.
19.11.2003
Viðskiptatækifæri í Íran, Katar, Úganda...?
Á vegum Útflutningsráðs Íslands er nú unnið að undir-búningi ferða viðskiptanefnda til Íran og Katar í desember. Nokkur markaðssvæði eru til skoðunar vegna ársins 2004 og í því sambandi er hægt að taka þátt í könnun á vef ráðsins. Þá heldur ráðið kynningarfund 27. nóvember nk. um viðskiptaumhverfið og viðskiptatækifæri í Úganda.
18.11.2003
Opinber rekstur og samkeppnislög
Fimmtudaginn 27. nóvember nk. fer fram morgunmálþing Stofnunar stjórnsýslufræða og stjórnmála og Félags forstöðumanna ríkisstofnana á Grand Hótel, þar sem fjallað verður um skil milli einkaaðila og opinberra aðila hvað varðar þjónustu við borgarana, samkeppni milli þessara aðila o.fl. Sjá nánar á vef Samtaka iðnaðarins.
18.11.2003
Reglur um meðhöndlun, urðun og brennslu úrgangs
Umhverfisráðherra hefur gefið út þrjár reglugerðir á sviði úrgangsmála, um meðhöndlun, urðun og brennslu úrgangs, sem taka þegar gildi. Reglugerðirnar má m.a. nálgast á vef Samtaka iðnaðarins.
13.11.2003
Umfjöllun SA um útgjöld heilbrigðisstofnana leiðrétt
Heilbrigðis- og tryggingaráðherra hefur gert athugasemdir við umfjöllun SA um fjármál heilbrigðisstofnana og hefur hún verið lagfærð með hliðsjón af því. Meginstef umfjöllunar SA stendur þó óhaggað.
13.11.2003
Stöðug framúrkeyrsla heilbrigðisstofnana
Síðastliðin fimm ár hafa 34 heilbrigðisstofnanir farið stöðugt fram úr fjárlögum, að meðaltali um rúm 21%. Átta stofnanir voru hins vegar oftast undir fjárlögum eða rétt fyrir ofan og eru þær flestar sjálfseignarstofnanir. Þetta er meðal þess sem fram kemur í endurskoðaðri athugun SA, þar sem brugðist hefur verið við gagnrýni á upphaflega framsetningu.
13.11.2003
Íslensku gæðaverðlaunin til Sjóvár-Almennra
Sjóvá-Almennar tryggingar hljóta Íslensku gæðaverðlaunin árið 2003. Í umsögn matsnefndar segir m.a. að stjórnun og stefnumörkun einkennist annars vegar af formföstum aðferðum sem byggja á traustum faglegum grunni og hins vegar á því sem virðist vera traust og virðing milli starfs-manna og stjórnenda. Sjá nánar á vef Stjórnvísi.
12.11.2003
Nýjar bandarískar reglur um innflutning matvæla
Þann 12. desember nk. taka gildi nýjar reglur í Banda-ríkjunum um innflutning matvæla, og taka þær m.a. til skráningarskyldu fyrirtækja sem flytja matvæli þangað. Utanríkis- og sjávarútvegsráðuneytið hafa staðið fyrir kynningu á reglunum fyrir íslensk fyrirtæki. Sjá nánar á vef Samtaka fiskvinnslustöðva.
12.11.2003
Íslenska menntakerfið samkeppnishæfara
Stytting námstíma í framhaldsskóla hefur sem slík ekki mikil bein áhrif atvinnulífið, segir Gústaf Adolf Skúlason, forstöðumaður hjá SA, í samtali við Viðskiptablaðið. Hún mun hins vegar hafa ýmis jákvæð samfélagsleg áhrif og auka samkeppnishæfni íslenska menntakerfisins.
12.11.2003
Vörugjöldum mótmælt
Könnun SVÞ á áhrifum vörugjalds og virðisaukaskatts á verðlag leiðir í ljós að verð á matvælum og rafmagns-tækjum er mun hærra hér á landi en í Svíþjóð vegna þessara gjalda. Smásöluverð á appelsínusafa er til dæmis 44% hærra hér á landi en í Svíþjóð og sjónvörp eru 24% dýrari hér vegna álagðra vörugjalda og virðisaukaskatts. Sjá nánar á vef SVÞ.
11.11.2003
Stjórnun upplýsingaöryggis
Dagana 19. og 20. nóvember nk. Stendur Staðlaráð Íslands fyrir námskeiði um beytingu ISO staðla við stjórnun upplýsingaöryggis og mótun öryggisstefnu í fyrirtækjum og stofnunum. Sjá nánar á vef Staðlaráðs.
10.11.2003
Ekki áhyggjur af stækkun EES og vinnumarkaðnum
Í samtali við Morgunblaðið um möguleg áhrif stækkunar EES á íslenskan vinnumarkað segir Ari Edwald, fram-kvæmdastjóri SA, samtökin ekki telja að stækkunin þarnist neins sérstaks undirbúnings að því leyti. „Ekki frekar en tilkoma EES-samningsins á sínum tíma.“ Stjórnvöld hafi þó rétt til að grípa til ráðstafana ef sérstök vandkvæði og ójafnvægi komi upp.
10.11.2003
„Lóð á vogarskálina“ til Sjóvár-Almennra og ÍTR
Viðurkenningin Lóð á vogarskálina var afhent í fyrsta skipti á ráðstefnu Hollvina hins gullna jafnvægis, fyrir framlag sem stuðlar að samræmingu vinnu og einkalífs í orði og verki. Viðurkenninguna hlutu Sjóvá-Almennar og ÍTR. Sjá nánar á vef hgj.
6.11.2003
Kröfur á forsendum fortíðarinnar
Kröfur um gjaldfrjálst háskólanám byggja á forsendum fortíðarinnar en eru ekki í sambandi við það umhverfi óþrjótandi eftirspurnar sem þróast hefur og fagna ber, segir Ari Edwald, framkvæmdastjóri SA, í leiðara fréttabréfsins Af vettvangi. Þá verði ekki skilið hvers vegna háskólanám ætti að vera mun ódýrara en t.d. vörubifreiðaréttindi, endurmenntunarnámskeið og leikskóladvöl.
6.11.2003
Heilbrigð viðhorf
Ánægjuleg tíðindi eru fólgin í stjórnmálaályktun lands-fundar Samfylkingarinnar um heilbrigðismálin, segir Ari Edwald, framkvæmdastjóri SA, í leiðara fréttabréfsins Af vettvangi. Hann vonar að ályktunin reynist innlegg í að skapa breiða pólitíska samstöðu um gagngera endur-skoðun heilbrigðiskerfisins. Gríðarlegir hagsmunir séu í húfi.
6.11.2003
Afkomuvæntingar fyrirtækja óbreyttar milli ára
Afkomuvæntingar fyrirtækja eru nánast óbreyttar frá því fyrir ári síðan, skv. könnun SA. Rúmur helmingur reiknar með svipaðri afkomu á næstu mánuðum, eða 52%, samanborið við 55% fyrir ári síðan. 30% reikna með batnandi afkomu í stað 28% fyrir ári síðan, og 16% með versnandi afkomu, í stað 14%. Bjartsýnin er minni á landsbyggðinni en á höfuðborgarsvæði og horfur dekkstar í sjávarútvegi.
6.11.2003
Sérstök hækkun lægstu launa færi upp allan launastigann
„Sérstakar“ hækkanir lægstu launa myndu í raun leiða til samsvarandi hækkana upp allan launastigann, að mati 65% aðspurðra í könnun SA. Ef einungis eru skoðuð svör þeirra sem taka afstöðu og hafa starfsfólk á lægstu umsömdu töxtum svara 80% spurningunni játandi en 20% neitandi. Þessi viðhorf koma heim og saman við niður-stöður rannsóknar hagfræðings við Hagfræðistofnun HÍ.
5.11.2003
Dagur samkeppnishæfni 14. nóvember
UNICE, Evrópusamtök atvinnulífsins, standa fyrir evrópskum samkeppnisdegi í Brussel föstudaginn 14. nóvember nk. Fjallað verður um nauðsyn bættrar samkeppnishæfni evrópsks starfsumhverfis. Fyrirtækja-stjórnendur um alla álfu eru hvattir til að sýna samstöðu og taka þátt, en meðal þátttakenda verður Silvio Berlusconi, formaður leiðtográðs ESB.
5.11.2003
Lagalegar hindranir í rafrænum viðskiptum?
Hefur þú mætt lagalegum hindrunum við rafrænum viðskiptum? Sá lagarammi sem gildir á Íslandi byggir á tilskipunum ESB. Til að mæta betur þörfum atvinnulífsins að þessu leyti gengst ESB nú fyrir könnun á meðal fyrirtækja í Evrópu um lagalegar hindranir í rafrænum viðskiptum. Frestur til þátttöku er til 17. nóvember.
3.11.2003
Áhersla á mikilvægi aðhalds í ríkisfjármálum
Í ræðu sinni á aðalfundi LÍÚ fjallaði Kristján Ragnarsson, fráfarandi formaður samtakanna til 33 ára, m.a. um áhrif stóriðjuframkvæmda og mikilvægi aðhalds í ríkisfjármálum, sem hann sagði ekki birtast með nægilega skýrum hætti í fjárlagafrumvarpi næsta árs.
Hús atvinnulífsins
Borgartúni 35 - 105 Reykjavík
----------
SMELLTU TIL AÐ SÆKJA
Leit
Stjórnborð
Fánar
