Fréttir
31.10.2003
Nýsköpunarstyrkir Starfsafls fyrir fyrirtæki
Starfsafl hefur ákveðið að veita tvo svokallaða nýsköpunarstyrki Starfsafls. Hvor um sig er að upphæð 500.000 kr. og er tilgangur þeirra að styðja við viðleitni fyrirtækja innan SA til að vinna að nýsköpun í símenntunarmálum starfsmanna sem aðild eiga að Flóabandalaginu. Umsóknarfrestur er til 1. desember. Sjá nánar á vef Starfsafls.
29.10.2003
Samræming vinnu og einkalífs: viðurkenning
Í tengslum við ráðstefnu um samræmingu vinnu og einkalífs 10. nóvember nk. á hótel Nordica, verður veitt viðurkenning fyrir framlag sem stuðlar að samræmingu vinnu og einkalífs í orði og verki. Tekið er á móti ábendingum vegna hennar til 31. október og tekið skal fram að senda má inn ábendingar um eigin vinnustað. Sjá nánar á vef hins gullna jafnvægis.
28.10.2003
Hærri lán Íbúðalánasjóðs gætu ógnað stöðugleika
Nauðsynlegt er að fara afar gætilega í rýmkun lánareglna Íbúðalánasjóðs, sem gæti valdið miklum sviptingum á verði íbúðarhúsnæðis og ógnað stöðugleika í hagkerfinu. Þetta er meðal þess sem fram kemur í skýrslu Hagfræðistofnunar HÍ um áhrif aukinna lánveitinga Íbúðalánasjóðs á fasteignamarkað og efnahagslíf. Skýrslan var unnin að beiðni SA og SBV.
27.10.2003
Fyrirtæki dæmdar bætur vegna brota starfsmanns á samkeppnisákvæði í ráðningarsamningi
Hæstiréttur hefur dæmt fyrrverandi starfsmann fyrirtækis til greiðslu 900.000 kr. févítis vegna brota á ákvæði í ráðningarsamningi um að hann skuldbindi sig til að ráða sig ekki hjá fjórum nafngreindum fyrirtækjum í tvö ár frá starfslokum sínum hjá fyrirtækinu.
22.10.2003
Röskun vegna vetrarfría í grunnskólum
Vetrarfrí í grunnskólum valda mikilli röskun og óþægindum á mörgum vinnustöðum segir Gústaf Adolf Skúlason, forstöðumaður hjá SA, í samtali við Morgunblaðið. Hann segir ekkert samráð hafa verið haft við atvinnulífið um vetrarfríin. Þá sé ljóst að þau bitni því miður frekar á konum en körlum á vinnumarkaðnum.
20.10.2003
Samræming vinnu og einkalífs
Þann 10. nóvember verður haldin ráðstefna um samræmingu vinnu og einkalífs á hótel Nordica, ætluð starfsmannastjórum, jafnréttisráðgjöfum o.fl. Skráning til 6. nóvember. Veitt verður viðurkenning fyrir framlag sem stuðlar að samræmingu vinnu og einkalífs í orði og verki. Óskað er eftir ábendingum vegna hennar. Sjá nánar á vef hins gullna jafnvægis.
20.10.2003
Lækkun vörustjórnunarkostnaðar
Kostnaður við flutninga, birgðahald og stjórnun þessara liða fyrir dagvöru nemur 14,3% af smásöluveltu dagvöru, að því er fram kemur í nýrri úttekt á vörustjórnunar-kostnaði á Íslandi sem IMG Deloitte og Byggðarannsókna-stofnun Íslands framkvæmdu. Samkvæmt skýrslunni er hægt að lækka vörustjórnunarkostnað á ýmsan hátt. Sjá nánar á vef SVÞ.
16.10.2003
Fjölgun starfandi fólks?
Starfandi fólki fjölgaði um 2.100 frá öðrum ársfjórðungi til þess þriðja. Fjölgunin markast mjög af afleysingastörfum sumarfólks og er einkum í aldurshópnum 16-24 ára. Hjá þeim sem eru eldri en 25 ára nam fjölgunin einungis 200 störfum. Starfandi körlum fækkaði um 500 og starfandi konum fjölgaði um 700.
15.10.2003
Skilar hagræðing verðhækkun?
Viðskiptablaðið fjallar nýlega um lokaritgerð nemenda í rekstrar- og viðskiptafræðum, þar sem fram kemur að matvörur hafi hækkað meira en aðrar vörur hérlendis og meira en matvörur erlendis, og orsakir síðan raktar til meintrar fákeppni. Þetta eru áhugaverðar spurningar, en skv. könnun SA er enginn marktækur munur á þeim verðbreytingum sem fjallað er um í ritgerðinni og kenningar um orsakir því án tilefnis.
15.10.2003
Krefjandi valkostir Dana
Danir verða sem fyrst að taka afstöðu til þess hvort þeir vilji kalla yfir sig stórfelldar skattahækkanir og/eða niðurskurð opinberra útgjalda, eða grípa til aðgerða nú þegar til að hækka hlutfall fólks á vinnumarkaði, m.a. með hækkun eftirlaunaaldurs og auknum fjölda útlendinga á dönskum vinnumarkaði. Þetta er niðurstaða skýrslu dönsku samtaka atvinnulífsins.
14.10.2003
Lækkun vörustjórnunarkostnaðar á Íslandi
Föstudaginn 17. október nk., kl. 8:15 – 10:00, verður haldinn morgunverðarfundur á 6. hæð í Húsi atvinnulífsins, að Borgartúni 35, þar sem kynntar verða niðurstöður úr viðamikilli greiningu á vörustjórnunarkostnaði á Íslandi. Markmiðið er að finna leiðir til að lækka þennan kostnað. Sjá nánar á vef EAN á Íslandi.
13.10.2003
Full samstaða um að samningar séu virtir
Ari Edwald, framkvæmdastjóri SA, segir í samtali við Morgunblaðið að full samstaða sé um það á íslenskum vinnumarkaði að það eigi ekki að líða nein undanbrögð frá því að kjarasamningar séu virtir.
13.10.2003
Atvinnulífið spáir 1,8% hagvexti í ESB
UNICE, Evrópusamtök atvinnulífsins, spá 1,8% hagvexti meðal núverandi aðildarríkja ESB árið 2004, og 1,7% hagvexti meðal evrulandanna. Á sama tíma er reiknað með 3,9% hagvexti Bandaríkjunum. Samtökin segja nauðsynlegt að efla samkeppnishæfni Evrópu, m.a. með sveigjanlegri reglum á vinnumarkaði.
12.10.2003
Hátt í 80% töldu sig fá hæfilegt lán
Nær átta af hverjum tíu töldu að lánið, sem þeir fengu síðast hjá Íbúðalánasjóði, hafi verið hæfilegt að því er kemur fram í könnun sem Gallup gerði fyrir Íbúðalánasjóð og félagsmálaráðuneytið. Á þetta bendir Guðjón Rúnars-son, framkvæmdastjóri Samtaka banka og verðbréfa-fyrirtækja, í samtali við Morgunblaðið.
10.10.2003
Tilslökun í ríkisfjármálum ógn við stöðugleikann
Undanfarin ár hefur afkoma ríkisins verið lakari en gert var ráð fyrir í fjárlagafrumvarpi. Ef markmið ríkisfjármála nást ekki á komandi árum ógnar það efnahagslegum stöðug-leika, segir Þorsteinn Þorgeirsson, hagfræðingur Samtaka iðnaðarins í grein á vef samtakanna.
10.10.2003
LÍÚ sýknað af kröfum Sjómannasambands Íslands
Hæstaréttur Íslands hefur staðfest sýknudóm héraðsdóms í máli Sjómannasambands Íslands gegn LÍÚ. Með máls-sókninni gerði Sjómannasambandið kröfu um að felld yrðu úr gildi ákvæði í úrskurði gerðardóms í kjaradeilu fiski-manna um hvernig skuli skipta hlut sem sparast við fækkun í áhöfn vegna tækninýjunga eða hagræðingar. Sjá nánar á vef LÍÚ.
8.10.2003
Heimsmet í opinberum umsvifum
Gjöld í fjárlagafrumvarpi 2004 eru 8% hærri en í frumvarpi fyrir þetta ár, en breytingin milli frumvarpa er ágætur mælikvarði á aukningu ríkisútgjalda. Hlutfall samneysl-unnar, þ.e. rekstrar hins opinbera, af landsframleiðslunni hefur aukist tvöfalt meira en ráð var fyrir gert og er nú áætlað 26,4%, eða það hæsta sem þekkist.
7.10.2003
Færist fé á færri hendur?
Því er stundum haldið fram að fjármunir færist á sífellt færri hendur. Þegar skoðuð er þróunin með tilliti til eignarskattsstofns kemur hins vegar fram að á árunum 1996-2001 fækkaði þeim sem greiða engan eignarskatt um 10%, og hópurinn sem mest greiðir þrefaldaðist.
6.10.2003
Nauðsynlegt að auka sveigjanleika á vinnumarkaði
Mikið atvinnuleysi í mörgum aðildarríkja OECD stafar m.a. af stífri vinnumarkaðslöggjöf, háum óbeinum launakostnaði og óhóflega ríkri uppsagnarvernd, segir í yfirlýsingu ráðgjafanefndar stofnunarinnar. Nauðsynlegt sé að auka sveigjanleika á vinnumarkaði viðkomandi ríkja.
5.10.2003
Áhersla á aðhald hins opinbera
Samtök fiskvinnslustöðva segja miklu skipta að ríki og sveitarfélög haldi að sér höndum í framkvæmdum og gæti ítrasta aðhalds í rekstri á fyrirsjánlegum þenslutímum. Varðveita verði stöðugleikann í íslensku efnahagslífi og þar skiptir miklu að aðhaldasemi sé gætt í opinberum útgjöldum.
2.10.2003
Launin aldrei hærra hlutfall verðmætasköpunarinnar
Hlutfall launa af verðmætasköpuninni stefnir í 70% á þessu ári, sem er sögulegt hámark sem rekja má til launa- og gengisþróunar undanfarinna ára. Að meðaltali mun þetta hlutfall vera um 60% meðal OECD-ríkja. Þetta háa launahlutfall þýðir minni framlegð í atvinnulífinu, minni arðsemi fjármagns og að minna fé er varið til fjárfestinga.
2.10.2003
Launakostnaður aukist tvöfalt á við viðskiptalöndin
Á síðustu sex árum hafa laun á almennum markaði hér á landi hækkað um 45% mælt í erlendum gjaldmiðli, saman-borið við 18% hækkun að meðaltali í viðskiptalöndum okkar. Hækkunin hér á landi var því ríflega tvöföld á þessu tímabili.
2.10.2003
Lægstu launin hafa hækkað mest
Frá ársbyrjun 1997 hefur kaupmáttur lægstu launa hækkað um 40%, sem er ríflega tvöfalt meiri kaupmáttaraukning en átt hefur sér stað hjá launafólki á almennum vinnumarkaði. Við núverandi aðstæður er næsta víst að sérstakar hækkanir lægstu launa myndu færast upp allan launastigann.
2.10.2003
Í aðdraganda samningalotu
Lítið svigrúm er til launahækkana í miðlægum samningum segir Ari Edwald, framkvæmdastjóri SA, í leiðara frétta-bréfsins Af vettvangi. Hlutur launa í verðmætasköpuninni sé hærri en fái staðist til lengdar og hljóti að lækka fyrr en síðar, með hægari launabreytingum hér á landi en í viðskiptalöndunum eða með lækkun gengis krónunnar. Sú fyrri sé leið stöðugleikans en hin síðari hafi oftast verið kennd við kollsteypur.
1.10.2003
Launamunur kynjanna 3-7% í Danmörku
Samkvæmt nýlegri könnun dönsku aðila vinnumarkaðarins nemur sá launamunur sem ekki næst að útskýra með öðrum þáttum en kyni 3,4 til 7,4%. Byggt var á aðferð sem horfir ekki á kyn sem skýringarbreytu heldur gerir heildstæðar aðskildar rannsóknir á launum kynjanna og ber þau síðan saman. Aðferðinni hefur einu sinni verið beitt hérlendis og var niðurstaðan þá 7,5-11% óútskýrður munur. Ýmis gögn eru þó ófullkomnari hér.
Hús atvinnulífsins
Borgartúni 35 - 105 Reykjavík
----------
SMELLTU TIL AÐ SÆKJA
Leit
Stjórnborð
Fánar
