Fréttir

30.12.2001

Lítið dregið úr áræðni og stórhug margra fyrirtækja

Í áramótaviðtali Morgunblaðsins við Finn Geirsson, formann SA, segir hann m.a. ánægjulegt að sjá að þrátt fyrir ýmis vonbrigði og áföll á liðnu ári hafi lítið dregið úr áræðni og stórhug margra fyrirtækja. Hann segir brýnt að búa svo um hnúta að gengi krónunnar haldist sem stöðugast.

Sjá nánar »

27.12.2001

Eftirlit með tóbakssölu: börn notuð sem tálbeitur

Eftir áramótin áforma Heilbrigðiseftirlit Reykjavíkur og ÍTR að auka eftirlit með sölu tóbaks til yngri en 18 ára. Börn á þessum aldri verða notuð sem tálbeitur. Þetta kemur fram í fréttapósti SVÞ, sem segja þetta mjög ógeðfellda eftirlitsaðferð. Sjá fréttapóst SVÞ.

27.12.2001

Meirihluti Svía vill evru

Samkvæmt nýrri Gallup-könnun er meirihluti Svía hlynntur upptöku evrunnar, eða 51% aðspurðra, en 38% eru mótfallin. Þá telja 65% að Svíþjóð muni taka upp evruna innan þriggja ára. Sjá nánar á evruvef sænsku samtaka atvinnulífsins.

21.12.2001

Víða samdráttur framundan

Samkvæmt nýrri skýrslu Vinnumálastofnunar má vænta umtalsverðs samdráttar í byggingariðnaði og nokkurs samdráttar í iðnaði og verslun, en stöðugleika eða lítilsháttar vaxtar í fjármálaþjónustu og ýmissi annarri þjónustu. Atvinnuleysi fer vaxandi.

Sjá nánar »

21.12.2001

SA segja sig úr Landvernd

Ari Edwald, framkvæmdastjóri SA, hefur tilkynnt úrsögn samtakanna úr Landvernd, frá og með 1. janúar 2002. „Samtök atvinnulífsins geta ekki starfað með samtökum sem taka jafn einhliða afstöðu gegn nýtingu orkulinda landsins, eins og fram hefur komið að undanförnu,“ segir m.a. í bréfi Ara til formanns Landverndar.

19.12.2001

Meðal 500 framsæknustu frumkvöðla Evrópu?

Árlega birtir fyrirtækið GrowthPlus lista yfir 500 framsæknustu frumkvöðlafyrirtæki Evrópu. Árið 2001 komust sjö íslensk fyrirtæki á listann. Hafin er leit að ábendingum um fyrirtæki vegna lista ársins 2002.

Sjá nánar »

14.12.2001

Atvinnuleysi fer vaxandi

Atvinnulausum í nóvember hefur fjölgað í heild að meðaltali um 22,7% frá októbermánuði og fjölgað um 48,8% miðað við nóvember í fyrra. Á atvinnuleysisskrá voru 1,5% af áætluðum mannafla á vinnumarkaði. Sjá nánar á heimasíðu Vinnumálastofnunar.

13.12.2001

Endurskoðun og frestun á mati á samningsforsendum

Náðst hefur samkomulag aðila vinnumarkaðarins um að fresta tímasetningu mats á forsendum kjarasamninga frá febrúarmánuði 2002 til maímánaðar 2002.

Sjá nánar »

13.12.2001

Yfirlýsing ríkisstjórnarinnar vegna samkomulags SA og ASÍ

Ríkisstjórnin hefur sent frá sér yfirlýsingu vegna samkomulags Alþýðusambands Íslands og Samtaka atvinnulífsins.

Sjá nánar »

13.12.2001

ESB hyggst minnka umfang löggjafar um 25%

Framkvæmdastjórn ESB hyggst bæta og einfalda laga- og reglugerðarumhverfið. Markmiðið er að skera umfang löggjafar niður um a.m.k. 25% fyrir janúar 2005. Þegar hafa um eitt hundrað tillögur til nýrra reglusetninga verið dregnar til baka.

Sjá nánar »

13.12.2001

Félagsdómur sýknar LÍÚ

Félagsdómur hefur sýknað LÍÚ í máli sem Sjómannasamband Íslands höfðaði vegna niðurstöðu gerðardóms um skiptakjör vegna fjölda í áhöfn. Niðurstaðan felur í sér óbreyttan hlut frá því sem gilti fyrir úrskurð gerðardómsins. Sjá nánar á heimasíðu LÍÚ.

13.12.2001

Vel sóttur stofnfundur Vinnuréttarfélags Íslands

Stofnað hefur verið félag um vinnurétt á Íslandi. Starfsmannastjórar og aðrir sem fjalla um réttarstöðu starfsmanna gagnvart vinnuveitanda geta átt aðild að félaginu en tilgangur þess er að vinna að kynningu og umfjöllun á sviði vinnuréttar og stuðla að útgáfu rita um það efni.

Sjá nánar »

9.12.2001

Iðan: vefsetur um nám og störf

Iðan er vefsetur sem starfrækt er af Samtökum iðnaðarins og ætlað ungu fólki. Þar er fjallað ítarlega um nám og störf í iðnaði, umhverfismál, nýsköpun o.fl. Lýst er um 120 störfum og námsleiðum og spurningum svarað. Sjá vefsetrið idan.is.

7.12.2001

Launakönnun KRN fyrir 3. ársjórðung 2001

Dagvinnulaun hækkuðu að meðaltali um 7,6% frá 3. árfsjórðungi 2000 til 3. ársfjórðungs 2001, en vísitala neysluverðs um 8% á sama tíma. Kaupmáttur dagvinnulauna rýrnaði því að meðaltali um 0,3% á þessu tólf mánaða tímabili, en hefur að jafnaði vaxið um 5% á samningstímanum, þ.e. frá ársbyrjun 2000.

Sjá nánar »

6.12.2001

Tafir á umsögnum um atvinnuleyfi

Að undanförnu hefur talsvert borið á tregðu nokkurra stéttarfélaga við veitingu umsagna um atvinnuleyfis-umsóknir fyrir útlendinga. Tafir hafa orðið og tengingar við óskyld mál. Þá virðist stöðuhækkun starfsmanns geta þvælst fyrir við endurnýjun atvinnuleyfis.

Sjá nánar »

6.12.2001

Lægstu launin hækka mest

Kaupmáttur launa á almennum vinnumarkaði hefur vaxið um 5% frá gerð kjarasamninga. Þá hefur gengið eftir það markmið samninganna að þeir lægst launuðu hafa hækkað umfram aðra. Þetta er ótvíræð niðurstaða úrvinnslu á gögnum Kjararannsóknarnefndar.

Sjá nánar »

6.12.2001

Tilraunarinnar virði

Markmið síðustu kjarasamninga hafa haldið betur í verðbólgu undangenginna mánaða en margir óttuðust, segir Ari Edwald, framkvæmdastjóri SA, í leiðara fréttabréfsins Af vettvangi. Mælingar á almennum vinnumarkaði sýna að lægri laun hafa hækkað meira en þau hærri. Það er tilraunarinnar virði að treysta undirstöður þessara samninga og forða því að uppúr slitni með hörmulegum afleiðingum fyrir alla.

Sjá nánar »

5.12.2001

Lægri framleiðni opinberra starfsmanna?

Danir hafa mælt 10% framleiðniminnkun opinberra starfsmanna á 10 árum. Fengur væri að slíkum mælingum hérlendis, þar sem kaupmáttur opinberra starfsmanna hefur aukist talsvert hraðar en annarra og þeim fjölgað á sama tíma.

Sjá nánar »

4.12.2001

Kjararannsóknarnefnd opnar heimasíðu

Opnuð hefur verið heimasíða Kjararannsóknarnefndar (KRN). Á síðunni er að finna niðurstöður launakannana nefndarinnar, auk ýmissa upplýsinga um störf nefndarinnar og skipan. Sjá nýja heimasíðu KRN.

Samskipti

Hafa samband | Veftré

Leit

Leiðarkerfi

Vinnumarkaðsvefur

Stjórnborð

Fánar