Beint á leiđarkerfi vefsins

Fréttir

0 - 1

20.11.2008

IMF samţykkir efnahagsáćtlun og lán til Íslands

Framkvæmdastjórn Alþjóðagjaldeyrissjóðsins (IMF) samþykkti á fundi sínum í gærkvöld áætlun um að koma á efnahagsstöðugleika á Íslandi, sem samin var af íslenskum sérfræðingum í samstarfi við sendinefnd IMF í síðasta mánuði. Samkvæmt áætluninni fær Ísland 2,1 milljarða Bandaríkjadala frá sjóðnum og viðbótarlán, allt að þremur milljörðum Bandaríkjadala, frá Danmörku, Finnlandi, Noregi og Svíþjóð, Rússlandi og Póllandi. Að auki hafa Færeyingar boðið Íslendingum lán sem nemur um 50 milljónum Bandaríkjadala.

 

Áætlunin er til tveggja ára. Gert er ráð fyrir að fyrsti hluti láns sjóðsins, 827 milljónir Bandaríkjadala, verði veittur eftir nokkra daga og síðan í átta jöfnum áföngum, um 155 milljónir Bandaríkjadala hvert sinn, á þriggja mánaða fresti. Lánið frá sjóðnum verður greitt til baka á árunum 2012 til 2015.

 

Þetta kemur fram í fréttatilkynningu frá ríkisstjórn Íslands sem má nálgast hér að neðan en í henni kemur fram að fjármunirnir sem fást fyrir tilstilli Alþjóðagjaldeyrissjóðsins verði notaðir til að styrkja krónuna og verði hún sett á flot um leið og stuðningur við hana verður talinn nægilegur til þess. Þess er að vænta að gjaldeyrisviðskipti færist þá fljótlega í eðlilegt horf og milliríkjaviðskipti fari að ganga hnökralaust fyrir sig, segir jafnframt í tilkynningunni.

 

Framkvæmdastjórn IMF sendi frá sér yfirlýsingu í kjölfar þess að lánveiting til Íslands var samþykkt. Í umfjöllun mbl.is um yfirlýsinguna segir að þar komi fram að Íslendingar muni glíma við erfiðleika á næstunni og áætlunin um efnahagsuppbyggingu sé háð afar mikilli óvissu. Á sama tíma séu horfur Íslands til lengri tíma jákvæðar vegna sterkra undirstaðna vel menntaðs vinnuafls, jákvæðs fjárfestingaumhverfis og auðugra náttúruauðlinda.

 

Sjá nánar:

 

Fréttatilkynning  ríkisstjórnar Íslands um lán IMF á íslensku

 

Fréttatilkynning ríkisstjórnar Íslands um lán IMF á ensku

 

Yfirlýsing IMF

 

Útskýringar Paul Thomsen hjá IMF (myndskeið - 3 mín)



Upptaka frá Menntadegi atvinnulífsins 3. mars 2014

 

MENNTAVERÐLAUN ATVINNULÍFSINS 2014

Menntafyrirtæki ársins:

Samskip

Menntasproti ársins

Nordic Visitor

 -------

 

Sjá allar tilnefningar 2014

 

 


Stjórnborđ

Forsíđa vefsins Stćkka letur Minnka letur Senda ţessa síđu Hamur fyrir sjónskerta Prenta ţessa síđu Veftré

Fánar

In english