Ársfundur atvinnulífsins - bein útsending hefst kl. 14

Ársfundur atvinnulífsins hefst kl. 14 í dag fimmtudaginn 7. apríl í Hörpu. Fíllinn í herberginu og leitin að peningastefnunni er yfirskrift fundarins. Bein útsending er frá fundinum á vefnum en á sjötta hundrað gesta hafa boðað komu sína. Fundargestir fá nýtt rit Samtaka atvinnulífsins um peningastefnu Íslands en venju samkvæmt mun formaður Samtaka atvinnulífsins, Björgólfur Jóhannsson, ávarpa fundinn en Már Guðmundsson, seðlabankastjóri flytur einnig erindi og fjallar um peningastefnu eftir fjármagnshöft.

Sérstakur gestur fundarins er Jón Daníelsson, prófessor við London School of Economics. Jón mun í erindi sínu fjalla um framtíðarríkið Ísland, peningastefnuna, vinnumarkaðinn og ríkisfjármálin.

 

Fjölbreyttur hópur stjórnenda leggur einnig orð í belg um peningamálin og starfsumhverfið, Jón Sigurðsson, forstjóri Össurar, Ásthildur Otharsdóttir, stjórnarformaður Marel, Katrín Olga Jóhannesdóttir, formaður Viðskiptaráðs Íslands, Kristín Pétursdóttir, forstjóri Mentor, Heiðar Guðjónsson, hagfræðingur og fjárfestir, Björg Ingadóttir fatahönnuður  í Spakmannsspjörum, Dagný Pétursdóttir, framkvæmdastjóri Bláa Lónsins og Rósa Guðmundsdóttir, framleiðslustjóri G.RUN.

Þá munu Þorsteinn Víglundsson, framkvæmdastjóri SA, Ásgeir Jónsson, forseti Hagfræðideildar Háskóla Íslands og Ásdís Kristjánsdóttir, forstöðumaður efnahagssviðs SA bregðast við því sem fram kemur á fundinum.

undefined

Fundarstjóri er Þórdís Lóa Þórhallsdóttir, formaður Félags kvenna í atvinnulífinu

Ársfundurinn er frá kl. 14-16 en að loknum fundi kl. 16-17 fer fram Netagerð við höfnina með tónlist og tilheyrandi. Futuregrapher reiðir fram nætursaltaða raftónlist og matgæðingar Hörpu sjá til þess að gleðja bragðlaukana með viðeigandi kræsingum.

undefined

Sjáumst í Hörpu 7. apríl! #SA2016