Þorsteinn Pálsson ræðumaður á aðalfundi SA 2013

Aðalfundur Samtaka atvinnulífsins 2013 verður haldinn miðvikudaginn 6. mars á Hilton Reykjavík Nordica. Þorsteinn Pálsson, fyrrverandi forsætisráðherra, mun flytja erindi á opinni dagskrá fundarins ásamt Vilmundi Jósefssyni, formanni Samtaka atvinnulífsins. Skráning á fundinn stendur nú yfir og ljóst að það verður fjölmennt á Nordica.

 

Venjuleg aðalfundarstörf hefjast kl. 13 en opin dagskrá hefst kl. 14 í aðalsal Nordica undir yfirskriftinni Samstöðuleiðin: Fleiri störf - betri störf. Þar mun fjölbreyttur hópur stjórnenda fjalla um leiðir til að skapa samstöðu um að skapa fleiri og betri störf á Íslandi á næstu árum og bæta lífskjör landsmanna.

 

Frummælendur á aðalfundi SA - smelltu til að stækka

Eftirfarandi aðilar munu stíga á stokk auk Vilmundar Jósefssonar og Þorsteins Pálssonar:

 

Guðrún Hafsteinsdóttir, markaðsstjóri Kjöríss, Ásberg Jónsson, framkvæmdastjóri Nordic Visitor, Adolf Guðmundsson, framkvæmdastjóri Gullbergs og formaður LÍÚ, Rannveig Rist, forstjóri Rio Tinto Alcan á Íslandi, Kristín Pétursdóttir, forstjóri Auðar Capital, Eyjólfur Árni Rafnsson, forstjóri Mannvits, Anna Björk Bjarnadóttir, framkvæmdastjóri tæknisviðs Símans og stjórnarformaður Festu.

 

Í lok fundar mun nýr formaður Samtaka atvinnulífsins flytja lokaorð og slíta fundi.

Vilmundur Jósefsson, núverandi formaður Samtaka atvinnulífsins hefur ákveðið að hætta sem formaður SA og stendur kosning formanns nú yfir meðal félagsmanna SA. Björgólfur Jóhannsson, forstjóri Icelandair Group, hefur gefið kost á sér sem nýr formaður Samtaka atvinnulífsins.

 

Fundarstjóri er Grímur Sæmundsen, forstjóri Bláa Lónsins og varaformaður SA.

 

Samtök atvinnulífsins hvetja alla áhugasama um uppbyggingu atvinnulífsins og bætt lífskjör á Íslandi til að taka daginn frá og fjölmenna á Nordica.

 

Aðalfundi SA lýkur kl. 16.

 

SMELLTU HÉR TIL AÐ SKRÁ ÞIG