Sveigjanleg starfslok – ávinningur allra

Verkefnisstjórn 50+ efnir til fundaraðar um málefni miðaldra og eldra fólks á vinnumarkaði. Fyrsti fundurinn af þremur verður á Grand Hótel Reykjavík, Háteigi þann 19. október n.k. kl. 8:30-10:00. Hver er ávinningur þjóðfélagsins af atvinnuþátttöku eldra fólks? Hvað kostar það samfélagið að fólk fer fyrr af vinnumarkaði s.s. vegna örorku eða atvinnuleysis? Hver verður mannfjöldaþróunin á Íslandi á næstu áratugum og hvaða áhrif hefur það á vinnumarkaðinn? Leitað verður svara við þessum spurningum en Hannes G. Sigurðsson, aðstoðarframkvæmdastjóri Samtaka atvinnulífsins fjallar um breytingar í mannfjöldaþróun næstu áratuga og áhrif breytinganna á íslenskan vinnumarkað. 

Dagskrá:

 

1. Ávarp Jóhönnu Sigurðardóttur félagsmálaráðherra.

 

2. Sigurður Jóhannesson hagfræðingur á Hagfræðistofnun Háskóla Íslands fjallar um samverkan launa- og lífeyristekna.

 

3. Sigríður Lillý Baldursdóttir framkvæmdastjóri þróunarsviðs Tryggingastofnunar ríkisins fjallar um kostnað samfélagsins af því að missa fólk fyrr af vinnumarkaði út frá heilsufarslegum og félagslegum forsendum.

 

4. Hannes G. Sigurðsson aðstoðarframkvæmdastjóri Samtaka atvinnulífsins fjallar um breytingar í mannfjöldaþróun næstu áratuga og áhrif breytinganna á íslenskan vinnumarkað.

 

Fundarstjóri:  Gunnar Kristjánsson formaður Verkefnisstjórnar 50+

 

Nánari upplýsingar um starf verkefnisstjórnarinnar og fundaröðina er að finna á vef Vinnumálastofnunar: www.vinnumalastofnun.is

 

Morgunverður verður framreiddur frá kl. 08:00, verð kr. 1.400.

 

Æskilegt er að þátttakendur skrái sig með því að senda póst á: margret.gunnarsdottir@vmst.is