Stefnir í fjölmennan aðalfund SA á miðvikudag

Aðalfundur Samtaka atvinnulífsins 2010 verður haldinn miðvikudaginn 21. apríl á síðasta degi vetrar. Fundurinn fer fram á Hilton Reykjavík Nordica. Yfirskrift fundarins er ÍSLAND AF STAÐ. Venjuleg aðalfundarstörf hefjast kl. 14 í sal H á 2. hæð. Opin dagskrá hefst kl. 15 í aðalsal Nordica með ávarpi Vilmundar Jósefssonar, formanns SA, og Jóhönnu Sigurðardóttur, forsætisráðherra. Skráning á opna dagskrá aðalfundarins er nú í fullum gangi og stefnir í fjölmennan fund. Samtök atvinnulífsins hvetja alla áhugasama - sem vilja koma Íslandi af stað - til að skrá þátttöku á vef SA.

SMELLTU HÉR TIL AÐ SKRÁ ÞÁTTTÖKU

 

SMELLTU HÉR TIL AÐ SKOÐA OPNA DAGSKRÁ (PDF) 

Í opinni dagskrá aðalfundar SA munu Grímur Sæmundsen, forstjóri Bláa Lónsins og varaformaður SA, Birna Einarsdóttir, bankastjóri Íslandsbanka, Stefán Friðriksson, framkvæmdastjóri Ísfélags Vestmannaeyja og Svana Helen Björnsdóttir, forstjóri Stika og formaður Samtaka sprotafyrirtækja kynna hugmyndir sínar um hvað þurfi til að koma Íslandi af stað.

 

Fundarstjóri er Ingimundur Sigurpálsson, forstjóri Íslandspósts.

Fundi lýkur kl. 16:30 þegar atvinnulífið kveður veturinn 2009-2010 og fagnar sumri.