Sóknaráætlun fyrir Ísland: Horft til framtíðar fyrir atvinnulíf og samfélag

Á ráðstefnunni Sóknaráætlun fyrir Ísland: Horft til framtíðar fyrir atvinnulíf og samfélag þann 28. janúar munu grasrótarhópar, hagsmunaaðilar og samtök fjalla um sóknarfæri og áherslur sem aukið geta lífsgæði og samkeppnishæfni Íslands á komandi árum. Ráðstefnan er á vegum stýrihóps 20/20 Sóknaráætlunar og forsætisráðuneytisins. Vinna við sóknaráætlunina gengur samkvæmt áætlun og í upphafi árs er lögð áhersla á að fá yfirsýn yfir þá stefnumótun sem unnið hefur verið að víðs vegar í samfélaginu frá hruni og hefja umræðu um lykilspurningar og næstu skref. Á ráðstefnunni verður kallað eftir sjónarmiðum fjölbreyttra aðila um framtíðartækifæri og áherslur til sóknar.  

 

Sóknaráætlun fyrir Ísland: Horft til framtíðar fyrir atvinnulíf og samfélag verður haldin á Radisson SAS Saga hótel 28. janúar kl. 13:00 - 17:00. Ráðstefnan er öllum opin og aðgangur er ókeypis.

 

Vinsamlegast tilkynnið þátttöku á nmi@nmi.is.

 

Dagskrá:

Ávarp forsætisráðherra - Jóhanna Sigurðardóttir

 

Niðurstöður Þjóðfundar - Guðjón Már Guðjónsson frá Hugmyndaráðuneytinu

 

Samtök atvinnulífsins - Vilhjálmur Egilsson

 

Alþýðusamband Íslands - Gylfi Arnbjörnsson

  • Opnar umræður: Hvernig endurnýjum við traust í samfélaginu?

Í opnum umræðum mun fjöldi álitsgjafa úr ýmsum áttum gefa viðbrögð við erindum frummælenda.

 

Samtök ferðaþjónustunnar - Erna Hauksdóttir

 

Samtök iðnaðarins - Jón Steindór Valdimarsson

 

Bændasamtökin - Haraldur Benediktsson

 

Landssamband útvegsmanna - Sveinn Hjörtur Hjartarson

  • Opnar umræður: Hvernig tökumst við á við kreppuna og byggjum upp öflugt atvinnulíf í sátt við samfélag og umhverfi?

Vísinda og tækniráð - Guðrún Nordal Vísindanefnd og Þorsteinn Ingi Sigfússon Tækninefnd

 

Niðurstöður Sprotaþings - Davíð Lúðvíksson frá Samtökum iðnaðarins

 

Upplýsingatækni - Þórólfur Árnason

 

Viðskiptaráð - Finnur Oddsson

  • Opnar umræður: Hver eru brýnustu verkefnin framundan?

Fundarstjórn: Dagur B. Eggertsson