Skráðu þig á opna dagskrá aðalfundar SA 2013

Aðalfundur Samtaka atvinnulífsins 2013 verður haldinn miðvikudaginn 6. mars á Hilton Reykjavík Nordica. Vilmundur Jósefsson, formaður Samtaka atvinnulífsins og Þorsteinn Pálsson, fyrrverandi forsætisráðherra munu flytja erindi á opinni dagskrá fundarins. Þá mun fjölbreyttur hópur stjórnenda fjalla um leiðir til að skapa samstöðu um fleiri og betri störf á Íslandi á næstu árum og bæta lífskjör landsmanna. Mikill áhugi er á fundinum en hægt að skrá þátttöku hér á vef SA.

 

Venjuleg aðalfundarstörf hefjast kl. 13 en opin dagskrá hefst kl. 14 í aðalsal Nordica undir yfirskriftinni Samstöðuleiðin: Fleiri störf - betri störf.

 

SMELLTU HÉR TIL AÐ SKRÁ ÞIG

 

Eftirfarandi aðilar munu stíga á stokk auk Vilmundar Jósefssonar og Þorsteins Pálssonar:

Frummælendur á aðalfundi SA - smelltu til að stækka

Guðrún Hafsteinsdóttir, markaðsstjóri Kjöríss

Ásberg Jónsson, framkvæmdastjóri Nordic Visitor

Adolf Guðmundsson, framkvæmdastjóri Gullbergs og formaður LÍÚ

Rannveig Rist, forstjóri Rio Tinto Alcan á Íslandi

Kristín Pétursdóttir, forstjóri Auðar Capital

Eyjólfur Árni Rafnsson, forstjóri Mannvits

Anna Björk Bjarnadóttir, framkvæmdastjóri tæknisviðs Símans og stjórnarformaður Festu.

 

Frá aðalfundi SA 2012


Í lok fundar mun nýr formaður Samtaka atvinnulífsins flytja lokaorð og slíta fundi.

Vilmundur Jósefsson, núverandi formaður Samtaka atvinnulífsins hefur ákveðið að hætta sem formaður SA og stendur kosning formanns nú yfir meðal félagsmanna SA. Björgólfur Jóhannsson, forstjóri Icelandair Group, hefur gefið kost á sér sem nýr formaður Samtaka atvinnulífsins.

 

Fundarstjóri er Grímur Sæmundsen, forstjóri Bláa Lónsins og varaformaður SA.

 

Samtök atvinnulífsins hvetja alla áhugasama um uppbyggingu atvinnulífsins og bætt lífskjör á Íslandi til að taka daginn frá og fjölmenna á Nordica.

 

Aðalfundi SA lýkur kl. 16.

 

SMELLTU HÉR TIL AÐ SKRÁ ÞIG