Sjáumst á aðalfundi Samtaka atvinnulífsins 7. apríl 2011

Aðalfundur Samtaka atvinnulífsins fer fram á Hilton Reykjavík Nordica fimmtudaginn 7. apríl kl. 13-16 undir yfirskriftinni Atvinnuleiðin út úr kreppunni. Opin dagskrá hefst kl. 14  með ræðu Vilmundar Jósefssonar, formanns SA, og Jóhönnu Sigurðardóttur, forsætisráðherra.

 

Þá munu fjórir öflugir stjórnendur lýsa atvinnuleiðinni út úr kreppunni, þau Jóhann Jónasson, framkvæmdastjóri 3X Technology, Sigríður Margrét Oddsdóttir, forstjóri Já, Guðmundur Þorbjörnsson framkvæmdastjóri EFLU verkfræðistofu og Ingibjörg G. Guðjónsdóttir, stjórnarformaður Íslenskra fjallaleiðsögumanna.

 

Rannveig Rist, forstjóri Alcan á Íslandi er fundarstjóri, en SA hvetja alla sem vilja efla atvinnulífið og kveða niður kreppuna til að mæta á fundinn. Skráning stendur yfir á vef SA og ljóst að það stefnir í fjölmennan fund.

 

SMELLTU HÉR TIL AÐ SKRÁ ÞIG!