Sendu okkur mynd af atvinnulífinu þínu!

Í tilefni aðalfundar Samtaka atvinnulífsins sem fer fram þann 7. apríl nk. á Hilton Reykjavík Nordica bregða SA á leik. Við ætlum að sýna úr hverju Samtök atvinnulífsins eru gerð og biðjum því félagsmenn SA um að senda okkur myndir af atvinnulífinu sínu - rekstrinum, starfsfólkinu og verðmætaframleiðslunni. Félagsmenn SA gegna mikilvægu hlutverki í verðmætasköpun þjóðarinnar en aðeins með kröftugri uppsveiflu í atvinnulífinu verður hægt að bæta lífskjör landsmanna á næstu árum.

 

Myndirnar verða til sýnis fyrir og eftir aðalfund SA á Nordica. Þegar hefur mikill fjöldi mynda borist en við hvetjum fyrirtæki innan SA til að senda okkur myndir.

 

Myndir má senda á Hörð Vilberg (hordur@sa.is) sem gefur jafnframt nánari upplýsingar í síma 591-0005.

 

Dagskrá og skráning á aðalfund SA hér. 

 

Samtök atvinnulífsins eru heildarsamtök íslensks atvinnulífs. Aðildarfyrirtæki SA eru um tvö þúsund talsins og eru í ýmiss konar rekstri. Innan SA er að finna jafnt einyrkja sem stærstu fyrirtæki landsins. Hjá félagsmönnum SA starfar um helmingur launamanna á almenna vinnumarkaðnum á Íslandi - meira en 50.000 manns. Innan SA eru átta aðildarfélög sem starfa á grundvelli atvinnugreina.