Samið við blaðamenn

Í gær var undirritaður kjarasamningur milli SA og Blaðamannafélags Íslands. Samningurinn gildir til 30. október 2004. Heimilt er að segja honum upp í október 2003 og fellur hann þá úr gildi í febrúar 2004. Launataxtar eru færðir nær greiddum launum blaðamanna en laun hækka um 5,4% 1. febrúar 2001, 3% 1. janúar 2002, 3% 1. janúar 2003 og 2,5% 1. janúar 2004. Stofnaður er sérstakur styrktarsjóður blaðamanna sem m.a. er ætlað að taka yfir beinar greiðslur atvinnurekenda í fæðingarorlofi. Einnig var samið um greiðslur í lífeyrissjóð, rétt foreldra vegna veikinda barna, veikindi í orlofi erlendis o.fl.