Rangfærslur FFR - krefjast að meðaltali 25,6% hækkunar

Viðræðum Isavia og  Félags flugmálastarfsmanna ríkisins (FFR) hefur verið frestað þar sem enn ber mikið milli aðila og því verður þriðja vinnustöðvunin að veruleika á morgun á Keflavíkurflugvelli. Fram hafa komið rangfærslur þar sem því hefur verið haldið fram af forystumönnum FFR í fjölmiðlum að krafa þeirra sé 1% hækkun launa en hið sanna er að krafan er að meðaltali um 25,6% hækkun. Samninganefnd Samtaka atvinnulífsins og Isavia hefur lagt fram viðamikil tilboð sem fela í sér raunhæfar hækkanir á öllum launaflokkum.  Þeim tilboðum hefur öllum verið hafnað.

 

SA og Isavia vinna samkvæmt þeim áherslum sem aðilar á almennum vinnumarkaði höfðu í sínum samningum sem miða að því að tryggja kaupmátt í samfélaginu. Samtök atvinnulífsins hafa ennfremur sýnt fullan vilja til gera kjarasamning til lengri tíma en gert hefur verið áður í þessari lotu.