Rætt um útstreymi frá álverum á Íslandi

Fundaröð Samtaka atvinnulífsins um atvinnulíf og umhverfi heldur áfram þriðjudaginn 21. nóvember. Þá verður rætt um útstreymi frá álverum á Íslandi, stöðu mála og horfur. Framsögur flytja Guðrún Þóra Magnúsdóttir leiðtogi umhverfismála hjá Alcan og Óskar Jónsson framkvæmdastjóri hjá Norðuráli. Fundurinn fer fram í Húsi atvinnulífsins Borgartúni 35, 6. hæð. Fundurinn hefst klukkan 8:30 og verður lokið klukkan 10:00. Fundurinn er öllum opinn en nauðsynlegt er að skrá þátttöku hér á vef SA.