Rætt um aðskilnað viðskiptabankastarfsemi og fjárfestingabankastarfsemi í dag

Félag viðskiptafræðinga og hagfræðinga (FVH) stendur fyrir hádegisverðarfundi í Hörpu í hádeginu í dag, þriðjudaginn 11. september 2012 sem ber yfirskriftina  Á að aðskilja viðskiptabankastarfsemi og fjárfestingabankastarfsemi? Ræðumenn fundarins verða Jón Gunnar Jónsson, forstjóri Bankasýslu ríkisins, Pétur Einarsson, forstjóri Straums, Unnur Gunnarsdóttir, forstjóri Fjármálaeftirlitsins og Höskuldur H. Ólafsson, bankastjóri Arion banka. Friðrik Sophusson, formaður stjórnar Íslandsbanka, tekur þátt í pallborði.

 

FVH segir mjög skiptar skoðanir um hvort aðskilja eigi rekstur viðskiptabanka og fjárfestingarbanka, og áhrif aðskilnaðar á samkeppnishæfi, áhættu og kostnaðar við reksturs fjármálakerfisins, bæði á Íslandi og á alþjóðlegum vettvangi. Stjórnmálamenn, eftirlitsaðilar og forsvarsmenn fjármálafyrirtækja hafi blandað sér í umræðuna, og því blási félagið til fundar til að ræða þetta frekar.


Fundurinn hefst kl. 12.00 og lýkur kl. 13.30. Verð: kr. 3.500 fyrir félagsmenn FVH og kr. 5.500 fyrir aðra.


Fundurinn er öllum opinn. Hádegisverður er innifalinn í verði. Fundargestir fá frí bílastæði í Hörpu á meðan á fundinum stendur.

 

Skráning er á vef FVH