Ráðstefna: Hvernig græða fyrirtæki á umhverfisstarfi? (1)

Hreinn ávinningur – hvernig græða fyrirtæki á umhverfisstarfi? er yfirskrift ráðstefnu sem haldin verður á Grand Hótel miðvikudaginn 28. september nk., kl. 8:30-13:00. Þar munu m.a. fulltrúar fjölda fyrirtækja fjalla um umhverfisstjórnun, þýðingu umhverfisstarfs fyrir ímynd fyrirtækja, menningu og samkeppnishæfni og um fjárhagslegan ávinning fyrirtækja af umhverfisstarfi. Að ráðstefnunni standa SA, SI, Umhverfisfræðsluráð og ASÍ. Ari Edwald, framkvæmdastjóri SA, flytur opnunarávarp en lokaorð flytur Sigríður Anna Þórðardóttir, umhverfisráðherra.

 

Tilkynna þarf þátttöku á netfangið skraning@si.is fyrir 26. september nk. Ráðstefnugjald eru kr. 5.000. Sjá dagskrá og nánari upplýsingar hér (pdf-skjal).