Pólland, Ungverjaland, Marokkó, WTO o.fl.

Fyrirhugaðir eru fundir Íslands og annarra EFTA-ríkja við Pólland, Ungverjaland, Marokkó, Ísrael og Palestínu, þar sem fjallað verður um framkvæmd fríverslunarsamninga þessara ríkja við EFTA-ríkin. Þetta er kjörið tækifæri til koma á framfæri hugsanlegum ábendingum eða athugasemdum vegna viðskipta við þarlenda aðila.

 

Fundur 11. febrúar
Útflutningsráð hyggst af þessu tilefni skipuleggja fund þann 11. febrúar með fyrirtækjum sem eiga viðskipti í Póllandi, Ungverjalandi eða Marokkó. Fundurinn verður haldinn í samstarfi við utanríkisráðuneytið.

 

WTO. Vandræði í viðskiptum erlendis?
Jafnframt hyggst utanríkisráðuneytið senn hefja undirbúning fyrir viðræður innan WTO (Heimsviðskiptastofnuninnar) um aukið frelsi í alþjóðaviðskiptum. Ráðuneytið óskar upplýsinga um hugsanleg vandamál sem fyrirtæki eiga við að glíma vegna viðskipta við önnur lönd, t.d. hvað varðar tæknilegar viðskiptahindranir, fjárfestingar eða skattamál, að ógleymdum tollum.

 

Fyrirtæki geta haft samband við Gústaf Adolf Skúlason hjá Samtökum atvinnulífsins, eða beint við Kjartan Jóhannsson sendiherra, utanríkisráðuneytinu.