Opinn fundur SA um atvinnumálin í Grundarfirði

Fundaröð Samtaka atvinnulífsins um Ísland heldur áfram mánudaginn 18. febrúar, en þá efna SA til opins fundar í Grundarfirði um atvinnumálin. Fundurinn fer fram í Samkomuhúsinu og hefst kl. 17. Fjallað verður um mikilvægi þess að skapa fleiri og betri störf á Íslandi á næstu árum og bæta lífskjör þjóðarinnar.

 

Vilmundur Jósefsson, formaður SA, og Vilhjálmur Egilsson, framkvæmdastjóri SA munu ræða um tækifærin sem eru til staðar í atvinnulífinu og hvað þurfi að gera til að árangur náist. Þá mun Runólfur Guðmundsson, stjórnarformaður Guðmundar Runólfssonar hf. einnig taka til máls.

 

Á fundinum verður leitað eftir hugmyndum þátttakenda sem geta nýst við mótun sameiginlegrar atvinnustefnu með Alþýðusambandi Íslands eins og ákveðið var að ráðast í við endurskoðun kjarasamninga á almennum vinnumarkaði í janúar. Í kjölfarið verður stefnan lögð fyrir stjórnmálaflokkanna og óskað eftir viðbrögðum þeirra.

 

Allir velkomnir en nauðsynlegt er að skrá þátttöku hér að neðan.

 

Fundargestir fá nýtt tímarit SA: Fleiri störf - betri störf.

 

SMELLTU HÉR TIL AÐ SKRÁ ÞIG