Opinn fundur SA og VÍ um skattamál fyrirtækja

Samtök atvinnulífsins og Viðskiptaráð Íslands efna til opins morgunverðarfundar um skattamál fyrirtækja fimmtudaginn 23. september nk. á Hótel Nordica. Þar munu samtökin leggja fram og kynna tillögur að umbótum á skattkerfinu  sem miða að því að efla fjárfestingar, stuðla að sköpun nýrra starfa og bæta lífskjör landsmanna. Steingrímur J. Sigfússon, fjármálaráðherra, mun bregðast við tillögunum, auk þess sem stjórnendur og skattasérfræðingar munu ræða raunveruleg dæmi um það sem þarf að laga til að endurreisn atvinnulífsins geti hafist.

 

Skráning á fundinn er nú í fullum gangi og eru áhugasamir hvattir til að skrá sig sem fyrst hér að neðan - á vef SA eða Viðskiptaráðs.

 

Fundarstjóri er Finnur Oddsson, framkvæmdastjóri VÍ en opnunarávarp flytur Vilmundur Jósefsson, formaður SA.

 

Vilhjálmur Egilsson, framkvæmdastjóri SA mun kynna tillögur SA og VÍ og Steingrímur J. Sigfússon, fjármálaráðherra mun bregðast við þeim og fjalla um skattamálin.

 

Í umræðum um nauðsynlegar breytingar taka þátt Alexander G. Eðvardsson, forstöðumaður skattasviðs KPMG, Ingibjörg Árnadóttir, lögfræðingur hjá Íslandsbanka, Margrét Guðrún Jónsdóttir, skrifstofustjóri Nox Medical, Vala Valtýsdóttir, sviðsstjóri skatta- og lögfræðisviðs Deloitte og Þórður Magnússon, stjórnarformaður Eyris Invest.

 

Fundurinn hefst kl. 8:30 og verður lokið kl. 10:00. Léttur morgunverður og kaffi frá kl. 8:00.

 

Þátttakendur fá eintak af nýju riti Samtaka atvinnulífsins og Viðskiptaráðs um nauðsynlegar umbætur á skattamálum fyrirtækja.

 

SMELLIÐ HÉR TIL AÐ SKRÁ ÞÁTTTÖKU