Mótframlag í lífeyrissjóð í 7% um áramót

Um næstkomandi áramót mun mótframlag vinnuveitenda í samtryggingarsjóði lífeyrissjóða hækka úr 6% í 7% skv. flestum þeim kjarasamningum sem Samtök atvinnulífsins hafa gert við viðsemjendur sína. Á sama tíma fellur niður skylda vinnuveitanda til að greiða 1% fast framlag í séreignarsjóð án framlags starfsmanns.

 

Þeir kjarasamningar, sem Samtök atvinnulífsins hafa gert og kveða á um hækkun mótframlags eru við eftirfarandi aðila:

  • Starfsgreinasambandið
  • Flóabandalagið
  • Rafiðnaðarsamband Íslands
  • Landssamband íslenzkra verzlunarmanna og Verzlunarmannafélag Reykjavíkur
  • Aðila virkjanasamnings
  • Matvís
  • Samiðn
  • Mjólkurfræðingafélag Íslands
  • Vélstjórafélag Íslands vegna vélstjóra á kaupskipum
  • Vélstjórafélag Íslands vegna vélstjóra í frystihúsum og verksmiðjum
  • Félag skipstjórnarmanna vegna skipstjórnarmanna á kaupskipum
  • Félag bókagerðarmanna
  • Verkstjórasamband Íslands
  • Múrarafélag Reykjavíkur
  • Múrarasamband Íslands
  • Sveinafélag pípulagningarmanna
  • Félag veggfóðrara- og dúklagningarsveina
  • Lyfjafræðingafélag Íslands vegna apóteka og lyfjaframleiðenda
  • Sjómannasambands Íslands, Alþýðusambands Austurlands, Alþýðusambands Vestfjarða og Farmanna- og fiskimannasambands Íslands

Um er að ræða fyrri hluta af tveimur í hækkun mótframlags vinnuveitenda í samtryggingarsjóði lífeyrissjóða samkvæmt kjarasamningum sem gerðir hafa verið af hálfu Samtaka atvinnulífsins á árinu 2004. Þann 1. janúar 2007 mun mótframlagið hækka um annað prósentustig, en á sama tíma verður almennt tryggingagjald lækkað um 0,45%.