Mikill áhugi á þjónusturáðstefnu SA og SVÞ á föstudaginn

Á annað hundrað þátttakendur hafa nú þegar skráð þátttöku á ráðstefnu SA og SVÞ um framúrskarandi þjónustu sem fram fer nk. föstudag 25. mars á Grand Hótel Reykjavík kl. 8.30-10.00. Ráðstefnan er haldin í tengslum við átakið „Spilum saman" en þar mun André Wiringa frá ráðgjafafyrirtækinu Performance Solutions fjalla um hvernig stjórnendur geti með FISH! hugmyndafræðinni gert vinnustaðinn áhugaverðari, skemmtilegri, arðsamari og árangursríkari um leið og viðskiptavinirnir eru hafðir í öndvegi.

 

FISH! hefur orðið mörgum innblástur til að auka vinnugleði og bæta starfsárangur. Hugmyndafræðin varð til hjá fisksölunum í Pike Place Fish í Seattle í Bandaríkjunum sem eru nú orðnir heimsfrægir fyrir rekstur sinn og jákvætt viðhorf til lífsins.  

 

Á ráðstefnunni verður besta þjónustufyrirtæki ársins á Íslandi verðlaunað.

 

NÁNARI DAGSKRÁ

 

SKRÁNING HÉR

 

Ráðstefnan fer fram á Grand Hótel Reykjavík - Gullteig, föstudaginn 25. mars kl. 8.30-10.00. Skráning og morgunverður frá kl. 8.00.  Verð aðeins kr. 3.500 með morgunverði.