Mikill áhugi á kynningu á samkomulagi um úrvinnslu skuldamála fyrirtækja í fyrramálið

Nýtt víðtækt samkomulag um leiðir við úrvinnslu skuldamála lítilla og meðalstórra fyrirtækja verður kynnt stjórnendum fyrirtækja á opnum fundi á Grand Hótel Reykjavík í fyrramálið, föstudaginn 17. desember kl. 8:30 -10:00. Að samkomulaginu standa efnahags- og viðskiptaráðuneytið, Félag atvinnurekenda, fjármálaráðuneytið, Samtök atvinnulífsins, Samtök fjármálafyrirtækja og Viðskiptaráð Íslands. Yfir 200 stjórnendur hafa nú þegar boðað komu sína á fundinn en hægt er að skrá þátttöku hér á vef SA.

 

Árni Páll Árnason, efnahags- og viðskiptaráðherra, Vilhjálmur Egilsson, framkvæmdastjóri Samtaka atvinnulífsins og Björk Þórarinsdóttir, framkvæmdastjóri hjá Arion banka, flytja framsögur.

 

Fulltrúar bankanna taka þátt í umræðum ásamt frummælendum og svara spurningum úr sal, þau Höskuldur H. Ólafsson, bankastjóri Arion banka, Steinþór Pálsson, bankastjóri Landsbankans og Una Steinsdóttir, framkvæmdastjóri viðskiptabankasviðs Íslandsbanka.

 

Fundarstjóri er Rakel Sveinsdóttir, framkvæmdastjóri Creditinfo.

 

Boðið verður upp á léttan morgunverð frá kl. 8:00 - fundurinn fer fram í salnum Gullteig.

 

SMELLIÐ HÉR TIL AÐ SKRÁ ÞÁTTTÖKU