Mikið traust til íslenskra fyrirtækja (1)

Íslendingar bera mjög mikið traust til eigin vinnuveitenda og eru jákvæðir í garð íslenskra fyrirtækja. Traust þeirra til eigin vinnuveitanda skorar einna hæst í árlegum mælingum Capacent á trausti til stofnana og embætta. Aðeins Landhelgisgæslan og lögreglan njóta meira trausts meðal fólks. Þetta kemur fram í könnun sem Capacent Gallup gerði fyrir SA. Nærri  þrír af hverjum fjórum (74,3%) eru jákvæðir gagnvart sínum vinnustað og bera mikið traust til eigin vinnuveitanda. Aðeins 11,1% bera lítið traust til eigin vinnuveitanda.

Hversu mikið eða lítið traust berð þú til þíns vinnuveitenda?

 

Traust til vinnuveitenda

Niðurstöðurnar eru uppörvandi og sýna að þrátt fyrir ýmis áföll í atvinnulífinu og mjög neikvæða umræðu ber almenningur mikið traust til íslenskra fyrirtækja og er jákvætt í garð atvinnurekstrar. Þessar niðurstöður sýna jafnframt að íslensk fyrirtæki eru mikilvægur hluti innviða landsins og þau munu gegna lykilhlutverki í því endurreisnarstarfi sem er framundan.

 

Þegar spurt var almennt um traust til íslenskra fyrirtækja eru 45,1% Íslendinga sem bera mikið traust til þeirra, 38,2% eru hlutlaus, en 16,7% bera lítið traust til þeirra. Ríkissáttasemjari nýtur álíka traust og fyrirtækin en því næst kemur ríkissaksóknari og dómskerfið.

 

Um var að ræða síma- og netkönnun fyrir Samtök atvinnulífsins dagana 2.-10. febrúar 2011. Í úrtakinu voru 1918 manns á öllu landinu, 18 ára og eldri, handahófsvaldir úr Viðhorfahópi Capacent Gallup og þjóðskrá. Svarhlutfall var 58,8%.