Málþing SA um Evrópuvinnurétt (1)

Samtök atvinnulífsins gangast fyrir málþingi um Evrópuvinnurétt dagana 9.-10. marz næstkomandi. Málþingið, sem er haldið í samvinnu við Norrænu ráðherranefndina, er einkum ætlað lögfræðingum, lögmönnum og öðrum þeim sem fást við vinnurétt, s.s. starfsmannastjórum.

Málþingið skiptist í tvo hluta. Fyrri dagurinn er helgaður almennri umfjöllum um reglur og áhrif Evrópuvinnuréttarins. Sérstaklega verður leitazt við að skoða hvaða áhrif Evrópurétturinn hefur haft og mun hafa á íslenzkan vinnurétt og hvort réttarþróunin kemur til með að draga úr þeirri sérstöðu, sem íslenzkur vinnuréttur hefur að mörgu leyti haft.

Seinni dagur málþingsins, sem jafnframt er liður í framlagi SA til ráðstefnunnar Konur og lýðræði, er helgaður jafnréttismálum og ætti að höfða jafnt til lögfræðinga, þeirra sem starfa að starfsmannamálum í fyrirtækjum og annarra áhugamanna um jafnréttislöggjöf.

Hægt er að skrá sig á málþingið í heild eða annan hvorn hluta þess. Dagskrá verður kynnt nánar innan tíðar. Meðal fyrirlesara verða bæði innlendir og erlendir sérfræðingar um vinnurétt og jafnréttislöggjöf