„Krabbamein og vinnandi fólk“ - erindin á netinu

Ráðstefnan var haldin af Krabbameinsfélaginu í samstarfi við Samtök atvinnulífsins o.fl. Fluttur var fjöldi fróðlegra erinda um viðbrögð stjórnenda og vinnustaða þegar starfsmenn veikjast af krabbameini eða öðrum alvarlegum sjúkdómum, um líðan sjúklinga, veikindarétt, áfallahjálp, endurhæfingu og batnandi lífshorfur krabbameinssjúklinga. Áhersla var lögð á mikilvægi sveigjanleika í starfi og starfshlutfalli í tengslum við meðferð og endurhæfingu. Jafnframt kom fram að fyrirtæki eru misvel í stakk búin til að mæta þörfum starfsmanna sem veikjast af krabbameini eða öðrum alvarlegum sjúkdómum. Fjallað var um leiðir sem fyrirtæki geta farið til að undirbúa sig og mæta slíkum kringumstæðum. Erindi ráðstefnunnar er að finna á heimasíðu Krabbameinsfélagsins, ýmist í heild eða útdrætti.