Kosningu formanns SA lýkur á hádegi á miðvikudag

Rafræn kosning formanns Samtaka atvinnulífsins stendur nú yfir meðal aðildarfyrirtækja samtakanna. Vilmundur Jósefsson, formaður SA, gefur áfram kost á sér sem formaður. Kjörgengir til embættis formanns SA eru stjórnendur og stjórnarmenn aðildarfyrirtækja og aðildarfélaga samtakanna. Félagsmenn Samtaka atvinnulífsins hafa fengið send lykilorð í pósti til að taka þátt í kosningunni, en henni lýkur kl. 12 miðvikudaginn 18. apríl. Aðalfundur SA fer fram á Hótel Nordica kl. 13-16 sama dag undir yfirskriftinni Uppfærum Ísland. Hefðbundin aðalfundarstörf hefjast kl. 13 en opin dagskrá hefst kl. 14 og stendur skráning yfir á vef SA.

 

Á forsíðu vefs SA til vinstri - er hnappur merktur Formannskjör. Smellt er á hnappinn til að komast inn á sérstakan kosningarvef. Þar nálgast félagsmenn kjörseðil sinn með hjálp lykilorðsins.

Vilmundur Jósefsson á aðalfundi SA 2011

 

Skráning á aðalfund SA og opin dagskrá

 

Formaður SA mun ávarpa opna dagskrá aðalfundar SA 2012 ásamt Christoffer Taxell, sem er forystumaður í finnsku atvinnulífi og fyrrverandi menntamálaráðherra Finnlands.

 

Hópur stjórnenda mun ræða um hvernig uppfæra má Ísland og lagðar verða fram tillögur þess efnis í nýju riti Samtaka atvinnulífsins. Sjöfn Sigurgísladóttir, einn stofnenda Íslenskrar matorku, Edda Lilja Sveinsdóttir, sviðsstjóri verkfræðisviðs Actavis, Marín Magnúsdóttir, eigandi Practical og Kjartan Ragnarsson, forstöðumaður Landnámsseturs Íslands stíga á stokk og fjalla um þau tækifæri sem eru til staðar til að sækja fram.

Nánari upplýsingar um kosningu formanns SA má fá á skrifstofu SA í síma 591 0000 eða með því að senda tölvupóst á audur@sa.is.

 

Kosningakerfið er hannað af fyrirtækinu Outcome hugbúnaði ehf. og mun umsjón kosninganna vera hjá þeim. Atkvæði kjósenda verða ekki rakin af SA og kosningin því leynileg.