Kosning formanns SA stendur yfir (2)

Rafræn kosning formanns Samtaka atvinnulífsins stendur nú yfir meðal aðildarfyrirtækja samtakanna. Vilmundur Jósefsson, formaður SA, gefur áfram kost á sér sem formaður. Kjörgengir til embættis formanns SA eru stjórnendur og stjórnarmenn aðildarfyrirtækja og aðildarfélaga samtakanna. Félagsmenn Samtaka atvinnulífsins hafa fengið send lykilorð í pósti til að taka þátt í kosningunni.

 

Á forsíðu vefs SA til vinstri - er hnappur merktur Formannskjör. Smellt er á hnappinn til að komast inn á sérstakan kosningarvef. Þar nálgast félagsmenn kjörseðil sinn með hjálp lykilorðsins.

 

Rafrænni kosningu lýkur kl. 12:00 á aðalfundardag þann 18. apríl 2012.

 

Sjáumst á Nordica 18. apríl!Aðalfundur Samtaka atvinnulífsins 2012 fer fram á Hótel Nordica miðvikudaginn 18. apríl kl. 13-16, á síðasta degi vetrar. Yfirskrift fundarins er Uppfærum Ísland og er skráning á fundinn í fullum gangi á vef SA og ljóst að fundurinn verður vel sóttur. Meðal ræðumanna verður Christoffer Taxell, fyrrverandi menntamálaráðherra Finnlands og forystumaður í finnsku atvinnulífi. Hópur stjórnenda mun ræða um hvernig uppfæra má Ísland og lagðar verða fram tillögur þess efnis í nýju riti Samtaka atvinnulífsins.

 

Nánari upplýsingar um kosningu formanns SA má fá á skrifstofu SA í síma 591 0000 eða með því að senda tölvupóst á audur@sa.is.

 

Kosningakerfið er hannað af fyrirtækinu Outcome hugbúnaði ehf. og mun umsjón kosninganna vera hjá þeim. Atkvæði kjósenda verða ekki rakin af SA og kosningin því leynileg.