Kosning formanns SA stendur yfir

Rafræn kosning formanns Samtaka atvinnulífsins stendur nú yfir meðal aðildarfyrirtækja samtakanna. Vilmundur Jósefsson, formaður SA, gefur áfram kost á sér sem formaður. Kjörgengir til embættis formanns SA eru stjórnendur og stjórnarmenn aðildarfyrirtækja og aðildarfélaga samtakanna. Félagsmenn Samtaka atvinnulífsins hafa fengið send lykilorð í pósti til að taka þátt í kosningunni. Rafrænni kosningu lýkur kl. 12:00 þann 21. apríl 2010 en aðalfundur SA fer fram sama dag á Hótel Nordica undir yfirskriftinni Ísland af stað.

 

Á forsíðu vefs SA -  er hnappur merktur Formannskjör. Smellt er á hnappinn til að komast inn á sérstakan kosningarvef. Þar nálgast félagsmenn kjörseðil sinn með hjálp lykilorðsins.

 

Nánari upplýsingar um kosingu formanns SA má fá á skrifstofu SA í síma 591 0000 eða með því að senda tölvupóst á jonina@sa.is.

 

Nánari upplýsingar um aðalfund SA má nálgast hér.

 

Kosningakerfið er hannað af fyrirtækinu Outcome hugbúnaði ehf. og mun umsjón kosninganna vera hjá þeim. Atkvæði kjósenda verða ekki rakin af SA og kosningin því leynileg.