Kaupmáttur jókst um 1,4%, án húsnæðisliðar um 2,7%

Regluleg laun á almennum vinnumarkaði hækkuðu að meðaltali um 5,3% á tímabilinu frá 4. ársfjórðungi 2003 til 4. ársfjórðungs 2004, samkvæmt launakönnun Hagstofu Íslands. Á sama tíma hækkaði vísitala neysluverðs um 3,8%. Samkvæmt því jókst kaupmáttur launa að meðaltali um 1,4%. Vísitala neysluverðs án húsnæðis hækkaði hins vegar um 2,5% og jókst því kaupmáttur launa gagnvart vörum og þjónustu um 2,7%.  Laun kvenna hækkuðu um 6,3% en karla um 4,8%. Laun á höfuðborgarsvæði hækkuðu um 5,1% en laun utan höfuðborgarsvæðis um 5,7%.

 

Kjarasamningar flestra launamanna á almennum vinnumarkaði runnu út í byrjun árs og tóku nýir samningar gildi á tímabilinu frá mars til júní. Þeir komu því til framkvæmda á tímabilinu sem hér um ræðir. Almenn launahækkun var 3,25% auk sérstakrar hækkunar á launatöxtum. Nokkrir kjarasamningar gilda fram á síðasta fjórðung ársins og fólu í sér hækkun launa  um sl. áramót.

 

Sjá nánar á vef Hagstofu Íslands.