Húsleitir í fyrirtækjum: Áhersla á ríka ástæðu og skýr markmið

Virk samkeppni í viðskiptum er brýnt hagsmunamál fyrir atvinnulífið og samkeppnislög og samkeppniseftirlit gegna þar mikilvægu hlutverki, sagði Hrafnhildur Stefánsdóttir, yfirlögfræðingur Samtaka atvinnulífsins, m.a. í samtali við fréttastofu Ríkisútvarpsins vegna húsleita Samkeppniseftirlitsins. Varðandi húsleitir lagði Hrafnhildur áherslu á tilefni og markmið og sagði atvinnulífið verða að geta treyst því að Samkeppniseftirlitið færi ekki inn í fyrirtæki nema rík ástæða væri til. Samkeppniseftirlitið yrði að meta það og gæta meðalhófs, hvaða ábending sem er gæti ekki orðið tilefni húsleitarúrskurðar. Hún benti á að Samkeppniseftirlitið getur alltaf krafið fyrirtæki um allar þær upplýsingar sem þykja nauðsynlegar. Loks lagði Hrafnhildur áherslu á að markmið með leitinni þyrfti að vera skýrt – leitin yrði að beinist að því sem málið snýst um. Síðan yrði að koma í ljós hvort tilefnið réttlæti húsleit.