Húsfyllir á fundi SA um atvinnumál

Um 300 stjórnendur úr íslensku atvinnulífi, stjórnmálamenn, fulltrúar sveitarfélaga, ríkisstofnana og verkalýðshreyfingar, sitja nú á fundi SA um atvinnumál á Hótel Nordica. Vilmundur Jósefsson, formaður SA, setti fundinn og sagði þolinmæði fólks og fyrirtækja á þrotum. Grípa verði til aðgerða í atvinnumálum. Frummælendur á fundinum eru Vilhjálmur Egilsson framkvæmdastjóri SA, Steingrímur J. Sigfússon fjármálaráðherra og Gylfi Arnbjörnsson, forseti ASÍ . Fundi lýkur kl. 10:00 og verður fjallað um efni hans á vef SA hér síðar í dag.