Fundur SA á Sauðárkróki hefst kl. 17

Fundaröð Samtaka atvinnulífsins um atvinnumálin heldur áfram á Sauðárkróki í dag kl. 17. Vilmundur Jósefsson, formaður SA, og Vilhjálmur Egilsson, framkvæmdastjóri SA munu ræða um tækifærin sem eru til staðar í atvinnulífinu og hvað þurfi að gera til að árangur náist. Auk þess mun Jón E. Friðriksson, framkvæmdastjóri FISK, taka til máls.

 

Fundurinn fer fram á Kaffi Krók og er öllum opinn en nauðsynlegt er að skrá þátttöku á vef SA. Á fundinum verður leitað eftir hugmyndum sem geta nýst við mótun sameiginlegrar atvinnustefnu með Alþýðusambandi Íslands eins og ákveðið var að ráðast í við endurskoðun kjarasamninga á almennum vinnumarkaði í janúar. Í kjölfarið verður stefnan lögð fyrir stjórnmálaflokkanna og óskað eftir viðbrögðum þeirra.

 

Boðið verður upp á létta hressingu og fundarmenn fá nýtt tímarit SA, Fleiri störf - betri störf.

 

Smelltu hér til að skrá þig

 

Fundaröð SA heldur áfram á morgun, með fundum á Akureyri, Húsavík og Egilsstöðum. Á fimmtudag verður fundað á Höfn og Selfossi og á Ísafirði á föstudaginn. Fjallað verður um mikilvægi þess að skapa fleiri og betri störf á Íslandi á næstu árum og bæta lífskjör þjóðarinnar.

 

Yfirlit funda SA má nálgast hér

 

Fleiri fundir verða auglýstir síðar.