Fundur FVH: Er kominn tími til að panta gáminn?

Hádegisverðarfundur Félags viðskiptafræðinga og hagfræðinga
Grand Hótel Reykjavík, miðvikudaginn 7. desember 2011 kl. 12:00 - 13:30

Í tilefni af útgáfu nýrrar kjarakönnunar stendur Félag viðskiptafræðinga og hagfræðinga fyrir hádegisverðarfundi á Grand Hótel Reykjavík miðvikudaginn 7. desember 2011 sem ber yfirskriftina "Er kominn tími til að panta gáminn? -hvað er framundan á atvinnumarkaði viðskiptafræðinga og hagfræðinga?"

 

FVH kynnir niðurstöðu nýrrar kjarakönnunar meðal félagsmanna en auk kjarakönnunar verður sjónum beint að atvinnumarkaði viðskiptafræðinga og hagfræðinga almennt, er ljós framundan eða myrkur næsta áratuginn? Atvinnuleysi er enn hátt og lítið bendir til þess að umsvif í atvinnulífi eða hagvöxtur aukist verulega á næstunni. Fjöldi fólks hefur leitað út fyrir landsteinana eftir atvinnutækifærum síðasta árið, einkum tækni- og hjúkrunarmenntað fólk. Hver er staða viðskiptafræðinga og hagfræðinga hérlendis og erlendis? Er kominn tími til að panta gáminn og flytjast búferlum eða eru tækifæri framundan í íslensku atvinnulífi?

 

Ræðumenn fundarins verða: Hilmar Garðar Hjaltason ráðgjafi hjá Capacent, Stefán Einar Stefánsson formaður VR og LÍV, Þorsteinn Víglundsson framkvæmdstjóri Samál og Gerða Björg Hafsteinsdóttir formaður kjaranefndar FVH. Sigríður Hallgrímsdóttir formaður fræðslunefndar FVH stýrir fundi og tekur á móti fyrirspurnum.

 

Fundurinn hefst kl. 12:00 og stendur til kl. 13:30 og er haldinn á Grand Hótel Reykjavík
 

Þátttökugjald: 3.500 kr. fyrir félagsmenn FVH og 5.500 kr. fyrir aðra. Hádegisverður innifalinn

 

Allir velkomnir!

 

Minnum fólk á að skrá sig tímanlega! Nánari upplýsingar á http://www.fvh.is/.

 

SKRÁNING HÉR