Fundaröð Litla Íslands hefst 14. febrúar

Föstudaginn 14. febrúar efnir Litla Ísland til morgunfundar í Húsi atvinnulífsins. Þar verður greint frá niðurstöðum stefnumótunarfundar Litla Íslands sem fram fór í nóvember og farið yfir starfið næstu vikur og mánuði. Ný verkefnastjórn Litla Íslands verður kynnt til leiks ásamt þjónustu sem litlum fyrirtækjum innan Samtaka atvinnulífsins og aðildarsamtaka stendur til boða.

 

Bergþóra Halldórsdóttir  lögfræðingur og Kristín Þóra Harðardóttir lögmaður á vinnumarkaðssviði SA munu veita góð ráð og segja frá beinni þjónustu Samtaka atvinnulífsins sem gagnast litlum fyrirtækjum vel. Jafnframt verður þjónusta aðildarsamtaka SA kynnt.

 

Fundurinn markar upphafið að fundaröð Litla Íslands fram til vors þar sem fjallað verður um ýmis hagsmunamál lítilla fyrirtækja. Fundirnir fara fram í fundarsalnum Kviku á 1. hæð í Húsi atvinnulífsins.

 

Fyrsti fundurinn fer fram föstudaginn 14. febrúar kl. 9-10. Boðið verður upp á kaffi og létta morgunhressingu og vonumst við til að sjá sem flesta.

 

SMELLTU HÉR TIL AÐ SKRÁ ÞIG

 

Annar fundur í fundaröð Litla Íslands fer fram föstudaginn 14.mars kl. 9-10 en þá  verður fjallað um fjármögnun lítilla fyrirtækja. Þriðji fundurinn verður haldinn föstudaginn 11. apríl kl. 9-10 og sá fjórði föstudaginn 16. maí kl. 9-10.

 

Litla Ísland er vettvangur þar sem smá fyrirtæki (1-50 starfmenn) vinna saman óháð atvinnugreinum. Litla Ísland var stofnað á Smáþingi 10. október 2013. Samtök atvinnulífsins og aðildarsamtök SA eru bakhjarlar litla Íslands.

 

Litla Ísland á Facebook