Atvinnuleiðin er fær - opinn fundur á miðvikudaginn

Samtök atvinnulífsins efna til opins fundar um atvinnuleiðina miðvikudaginn 9. febrúar kl. 8:30-10:00. Fundurinn fer fram á Grand Hótel Reykjavík en atvinnuleiðin er sýn Samtaka atvinnulífsins á leiðina út úr kreppunni. Stjórnendur fyrirtækja á ýmsum sviðum fjalla um mikilvægi þess að landsmenn velji að fara atvinnuleiðina í stað verðbólguleiðarinnar með viðvarandi stöðnun í þjóðfélaginu og miklu atvinnuleysi næstu árin.

 

Meðal þeirra sem taka þátt eru Birkir Hólm Guðnason, framkvæmdastjóri Icelandair, Kristín Guðmundsdóttir, forstjóri Skipta, Bolli Árnason, framkvæmdastjóri GT Tækni og Pétur Pálsson, framkvæmdastjóri Vísis í Grindavík. Þá munu Vilmundur Jósefsson, formaður SA og Vilhjálmur Egilsson, framkvæmdastjóri SA, ræða um stöðuna í atvinnulífinu og yfirstandandi kjaraviðræður auk þess að svara fyrirspurnum.

 

Boðið verður upp á léttan morgunverð frá kl. 8:00. Fundurinn er öllum opinn en nauðsynlegt er að skrá þátttöku á vef SA. Stjórnendur og forsvarsmenn fyrirtækja, stórra sem smárra, eru hvattir til að mæta og taka þátt ásamt öllu áhugafólki um uppbyggingu atvinnulífsins.

 

Fundarstjóri er Grímur Sæmundsen, varaformaður SA.

 

SMELLTU HÉR TIL AÐ SKRÁ ÞIG Á FUND SA

 

Samtök atvinnulífsins telja vænlegustu leiðina út úr kreppunni vera atvinnuleiðina. Í henni felst áhersla á atvinnusköpun, fjárfestingu í atvinnulífinu og aukinn útflutning á vöru og þjónustu.

Atvinnuleiðin

vinnumarkadurinn.is