Aðalfundur SA 21. apríl - skráning stendur yfir

Aðalfundur Samtaka atvinnulífsins 2010 verður haldinn miðvikudaginn 21. apríl á síðasta degi vetrar. Fundurinn fer fram á Hilton Reykjavík Nordica. Yfirskrift fundarins er ÍSLAND AF STAÐ. Venjuleg aðalfundarstörf hefjast kl. 14 (í sal H) en opin dagskrá hefst kl. 15 (í sal A&B) með ávarpi Vilmundar Jósefssonar, formanns SA, og Jóhönnu Sigurðardóttur, forsætisráðherra. Skráning á opna dagskrá aðalfundarins er nú í fullum gangi.

 

Í opinni dagskrá aðalfundar SA munu Grímur Sæmundsen, forstjóri Bláa Lónsins og varaformaður SA, Birna Einarsdóttir, bankastjóri Íslandsbanka, Stefán Friðriksson, framkvæmdastjóri Ísfélags Vestmannaeyja og Svana Helen Björnsdóttir, forstjóri Stika og formaður Samtaka sprotafyrirtækja kynna hugmyndir sínar um hvað þurfi til að koma Íslandi af stað.

 

Fundarstjóri er Ingimundur Sigurpálsson, forstjóri Íslandspósts. 

 

Fundi lýkur kl. 16:30 þegar atvinnulífið kveður veturinn 2009-2010 og fagnar sumri. 

 

SA hvetja fólk úr atvinnulífinu til að taka daginn frá og skrá sig strax í dag - komum Íslandi af stað!

 

SMELLTU HÉR TIL AÐ SKRÁ ÞÁTTTÖKU

 

Félagsmönnum SA sem taka þátt í aðalfundinum stendur til boða gisting á Hótel Nordica á sérkjörum 21. apríl: Kr. 10.800 fyrir eins manns herbergi ásamt morgunverði, kr.11.800 fyrir tveggja manna herbergi ásamt morgunverði. Bókun í síma 444-4000 eða með tölvupósti á icehotels@icehotels.is. Gefa þarf upp bókunarnúmer SA: 506949.