3% atvinnuleysi í janúar

Í janúarmánuði síðastliðnum voru skráðir 91.369 atvinnuleysisdagar á landinu öllu sem jafngilda því að 4.352 manns hafi að meðaltali verið á atvinnuleysisskrá í mánuðinum.  Þessar tölur jafngilda 3% af áætlun efnahagsskrifstofu fjármálaráðuneytis um mannafla á vinnumarkaði í janúar 2005. Áætlaður mannafli á vinnumarkaði í janúar 2005 er 146.035. Til samanburðar mældist atvinnuleysið 2,7% í desember sl. og 3,7% í janúar 2004. Að mati Vinnumálastofnunar er líklegt að atvinnuleysið breytist lítið í febrúar og verði á bilinu 2,8-3,2%.

 

Á höfðuborgarsvæðinu mældist atvinnuleysið 3,1% en 2,8% á landsbyggðinni. Mest mældist atvinnuleysið á Norðurlandi eystra, 4%, en minnst á Austurlandi, 1,6%. Á landinu öllu mældist atvinnuleysið 3,7% meðal kvenna en 2,5% meðal karla.

 

Sjá nánar á vef Vinnumálastofnunar.