3,8% atvinnuleysi

Í dag, föstudaginn 14. mars eru 6.200 einstaklingar á atvinnuleysisskrá opinberra vinnumiðlana. Miðað við fjölda starfandi skv. vinnumarkaðskönnun Hagstofunnar í nóvember sl. nemur þessi fjöldi 3,80% af mannafla. Frá síðasta fimmtudegi hefur atvinnulausum á skrá fækkað um 127, en þá var hlutfallið 3,88%. Fleiri eru þó atvinnulausir nú um miðjan mars en í lok janúar sem er gegn árstíðasveiflu þar sem venjulega dregur úr atvinnuleysi í febrúar. Árstíðaleiðrétt atvinnuleysi fer því vaxandi. Hlutfallslegt atvinnuleysi er það sama hjá körlum og konum (3,8%). Línuritið sýnir þróunina frá áramótum, þegar atvinnuleysi mældist 3,1%.


 

(Smellið á myndina)