3,7% atvinnuleysi í janúar

Í janúarmánuði síðastliðnum voru skráðir 111.880 atvinnuleysisdagar á landinu öllu sem jafngilda því að 5.088 manns hafi að meðaltali verið á atvinnuleysisskrá í mánuðinum. Þessar tölur jafngilda 3,7% af áætlun efnahagsskrifstofu fjármálaráðuneytis um mannafla á vinnumarkaði í janúar 2004. Áætlaður mannafli á vinnumarkaði í janúar 2004 var 138.825. 

 

Atvinnuleysi mældist 3,1% í næsta mánuði á undan, desember 2003, en 3,8% í janúar 2003. Þetta er minni aukning atvinnuleysis frá desember til janúar en fyrir ári síðan, eða 7,6% í stað 16%. Mest var atvinnuleysið á Suðurnesjum, 4,4%, en minnst á Norðurlandi vestra, 2,6%, og á Austurlandi, 2,7%. Á höfuðborgarsvæðinu var atvinnuleysið 3,8%. Á landinu öllu fjölgaði atvinnulausum konum um 6% en atvinnulausum körlum um 9,2%.

 

Sjá nánar á vef Vinnumálastofnunar (pdf-skjal).