3,1% atvinnuleysi í júní

Í júnímánuði síðastliðnum voru skráðir 107.279 atvinnuleysis-dagar á landinu öllu sem jafngilda því að 4.877 manns hafi að meðaltali verið á atvinnuleysisskrá í mánuðinum.  Þessar tölur jafngilda 3,1% af áætlun efnahagsskrifstofu fjármála-ráðuneytis um mannafla á vinnumarkaði í júní 2004. Áætlaður mannafli á vinnumarkaði í júní 2004 var 157.875. Til samanburðar mældist atvinnuleysið 3,3% í maí sl. en 3,2% í júní 2003.

 

Á höfuðborgarsvæðinu mældist atvinnuleysið 3,7%, en 2,1% á landsbyggðinni. Á landsbyggðinni mældist atvinnuleysið mest á Suðurnesjum, 3,2%, en minnst á Norðurlandi Vestra, 1,2%, og á Austurlandi, 1,3%. Atvinnulausum körlum hefur fækkað frá í maí og mælist atvinnuleysi meðal karla 2,4% á landinu öllu. Á sama tíma hefur atvinnuleysi aukist meðal kvenna og mælist það nú 4,0% á landinu öllu.

 

Sjá nánar á vef Vinnumálastofnunar.