2,7% atvinnuleysi í október

Í októbermánuði síðastliðnum voru skráðir 81.459 atvinnu-leysisdagar á landinu öllu sem jafngilda því að 3.880 manns hafi að meðaltali verið á atvinnuleysisskrá í mánuðinum. Þessar tölur jafngilda 2,7% af áætlun efnahagsskrifstofu fjármálaráðuneytis um mannafla á vinnumarkaði í október 2004. Áætlaður mannafli á vinnumarkaði í október 2004 er 145.628. Til samanburðar mældist atvinnuleysið 2,6% í september sl. og 2,8% í október 2003. Að mati Vinnumálastofnunar er líklegt að atvinnuleysið aukist lítils háttar í nóvember og verði 2,7-3,0%.

 

Atvinnuleysi á höfuðborgarsvæðinu mældist 3,0% en 2,1% á landsbyggðinni. Á landsbyggðinni mældist atvinnuleysið mest á Norðurlandi eystra. 3,0%, en minnst á Norðurlandi vestra, 1,2%, og á Austurlandi, 1,3%. Á landinu öllu mældist atvinnuleysi meðal karla 2,1% en 3,4% meðal kvenna.

 

Sjá nánar á vef Vinnumálastofnunar.