2,7% atvinnuleysi í desember

Í desembermánuði síðastliðnum voru skráðir 94.060 atvinnuleysisdagar á landinu öllu sem jafngilda því að 4.088 manns hafi að meðaltali verið á atvinnuleysisskrá í mánuðinum. Þessar tölur jafngilda 2,7% af áætlun efnahagsskrifstofu fjármálaráðuneytis um mannafla á vinnumarkaði í desember 2004, en áætlaður mannafli á vinnumarkaði í desember 2004 er 152.204. Til samanburðar mældist atvinnuleysið 2,6% í nóvember sl. og 3,1% í desember 2003. Að mati Vinnumálastofnunar er líklegt að atvinnuleysið aukist í janúar og verði á bilinu 2,8-3,2%.

 

Á höfuðborgarsvæðinu mældist atvinnuleysið 2,8% en 2,5% á landsbyggðinni. Mest mældist atvinnuleysið á á Norðurlandi eystra, 3,7%, en minnst á Vestfjörðum, 1,4%. Á landinu öllu mældist atvinnuleysið 3,3% meðal kvenna en 2,2% meðal karla.

 

Sjá nánar á vef Vinnumálastofnunar.